今日同幾個朋友黎到元朗形點既IMAX睇戲, 入場之前當然食返餐好既先啦～ 咁就黎到位於IMAX側邊既『金田家』歎返個拉麵, 因為係星期六黎, 所以都排左陣隊, 睇得出『金田家』既人氣都相當高！ - 『金田家』既門口, 招牌簡單3隻字, 簡單純樸 而且旁邊仲有幾幅拉麵圖, 仲有1大個店主既LOGO係道, 令人1望就知呢間就係拉 麵店, 『金田家』既門口包裝相當唔錯～ 另外可以見到唔少人係道排緊隊, 暗示出其質素都有返上下啦 店內既環境佈置以淡色為主, 混合左外來光同燈膽既光線非常充足, 令人可 以精精神神咁去享受陣間既膳食, 而且環境尚算寬敞, 食起上黎唔會綁手綁 腳～ 每一張枱都設有一壺冰水, 係炎炎既夏日可以任飲都十分爽！ 『金田家』既MENU分2部分, 上圖係其中一部分, 用黎陳列每一款『金田家 』拉麵既賣相, 並且簡單列出當中既食材。 呢點做得相當貼心, 因為如果冇 圖文並茂既話, 會連點左咩類型既拉麵都唔知～ MENU既第2部分; 當你睇完『金田家』既拉麵圖之後, 就可以用呢張紙去ORDER你想要既野, 麵底係可以選擇佢既軟硬度, 符合返個人既口味 大將餃子 每1隻煎成金黃色, 同埋每隻都煎到有微微地既“燶”, 所以入口係非常爽脆。 配合附上既醬油入口, 甜左同鹹左, 令到個餃子更加入味, 另外咬開爽脆既外皮後, 裡面既肉仲係熱辣辣, 仲會溢出少量肉汁, 作為小食 而言, 相當不錯 P.S 如果慢辣道條脷, 飲啖冰水/飲品先食, 包冇事�� 柚子辛口拉麵 平時既拉麵店好少見呢隻味道, 所以我諗都唔諗就ORDER呢款啦～ 岩岩送上黎既時候, 仲熱辣辣出晒煙咁, 於是就聞到佢既拉麵香, 同埋1浸好 濃烈既柚子味！ 賣相亦相當唔錯, 每樣配料既擺位都獨立, 令你1望就望到將會食到咩落肚！ 柚子辛口拉麵 (Cont’) 最重要既拉麵當然浸左係湯底入面, 份量岩岩好, 唔多唔少～ 湯底對我黎講更係一絕, 因為柚子同辣味十分配搭, 係甘香又甘甜既柚子味 當中, 有一浸顯著既辣味, 單純一個湯底就食得出佢既層次感。 配合我ORDER既硬身拉麵, 我覺得會更加有咬口！ 佢既叉燒都相當唔同, 脂肪同肉既位置分明, 大塊而薄身柔軟既叉燒可以1啖 入口, 啖啖肉而啖啖滋味 佢既辣係可以就住個人口味去落, 真係好怕辣既話, 可以拎走部分辣既醬料, 所以唔食得辣既人都可以享用呢個香濃既柚子拉麵 我覺得呢個柚子辛辣拉麵非常適合我, 好味道！ 宇治抹茶芝士蛋糕 芝士蛋糕就食得多, 加左宇治抹茶落去既就相對食得少, 值得一提既係佢抹茶味非常重, 可以話仲重過個芝士味, 我個人就好迷抹茶 類既野, 所以作為甜品, 我覺得非常好 另外可以加個CREAM落去食, 增加多一種口味道去, 更加可口! 而佢既口感就 同平時食到既芝士蛋糕無異, 都係又軟又滑。 整體而言; 『金田家』既拉麵價錢絕對唔高, 同一般拉麵店既相約, 但拉麵及其湯底既用料, 品質絕對稱得上非常不錯！ 可能因此咁多人食, 相當有人氣
