書展、動漫節，唔知一班書迷動漫迷去左未呢？灣仔展覽一浪接一浪，繼後的美食博覽（2016年度第27屆）、家電．家品．博覽大家耳熟能詳啦！原來今年仲會同場加影，仲係首屆新設添架！！隨著都市人日益追求健康生活，健美產品及美容服務的需求與日俱增。香港貿發局今年首度推出美與健生活博覽，為參觀人士提供最新的美容及健美產品，都咪話唔正！ 今次小妹有幸出席香港貿發局的新聞發佈會，在場看到不少參展商及傳媒記者朋友，這是非公開的活動，所以當日影嘅相片是給大家一個預覽。 因乜解究我嘅十隻手指頭咁似唱Ｋ小魚仙嘅？小妹當日去左Incoco做了一個貼式指甲油，跟參展商傾過兩句，原來品牌係美國很有名，而這陣子進駐香港，是首次引入美國革命性貼式指甲油，產品已成為多個國際時裝周的合作夥伴，讓模特兒在後台能快速換甲。這不是普通甲薄膠貼喔，而是將真係由液體甲油變成了貼紙狀，Base，Color及Top coats三神合一。 用法好簡單，只需要將貼紙貼上指甲，再用指甲或指甲銼刮走多餘部份即可，在場Incoco姐姐幫我整左，大約7分鐘便完成美甲程序，適合懶人或會怕指甲「塗出界」的人士，過程仲唔會有成陣天拿水味，花款多多：花紋、淨色、閃粉漸變等等，男人都整得，的確玩味十足！一套售78至108元，能使用約兩次，會場更有六折優惠。 同場有參展商醫學美容智慧 - Leaders Clinic，「美得要有智慧」，由多位首爾國立大學的皮膚專家創立的Leaders Clinic，給您健康美麗的實證，並且在當地面膜每月的銷售量高達1,000萬張。 呢支LEADERS 100%純精華補濕安瓶面膜係新野來，除左有塊面膜，佢入邊仲有大量剩落嚟嘅精華液足夠俾你敷曬全面，因為尐精華係「無水」稀釋，純原液嚟架，超補水，又唔會甘易被蒸發，當Sleeping Mask敷過夜都得啦！ 帶左番屋企試用，仲可以將用完試管瓶用來栽種植物！ 神皂! Energy cube Moraz 藦娜絲護膚品牌由以色列進口，產品成份來自蓼屬植物兩耳草(Polygonum)，具有修護創傷功效，產品包裝給我很傳統的感覺！ Vintage Beauty Cosmetics(展位：3G-D19)，跟參展商傾過兩句，原來品牌係外國很有名，而這陣子進駐香港，包裝既少女又復刻，摸過Ｄ掃，毛髮都幾軟架喎，而且爪粉力不錯，有驚喜。粉紅色的洗掃神器亦都好洗得，只要將洗滌劑加入掃頭，順著洗掃器同一方向微擦，好快就清潔完畢，總比用手洗好呀，化妝掃就好像女人般，都要keep架，價值不菲！ 隨後的是BE.ST Organic(展位：3G-D06)，這是有機牌子，其實轉用有機護膚品有好多好處，可以遠離會傷害皮膚的化學，特別是敏感肌都能Carry到，不過價錢相對較貴喔！！ 帶左皇牌產品 Neroli Rejuvenating Essence Mask $729/100ml回家試用，質地清爽，帶有淡淡的香味，敷5-10分鐘之後洗，好舒服，能舒緩泛紅，令人愛不釋手！ 5100西藏天然冰川礦泉水，在超市及便利店均有售，標榜純天然及零污染，你們應該不陌生啦！該品牌開發了護膚品系列，只需在會場購買一支8元礦泉水，便可免費換領一塊面膜。 帶左枝皇牌產品：水潤噴霧（510120）為出到街、番緊工或宅在家嘅你隨時補水，充充電，噴咀設計唔錯，粒子超微細，帶有霧化的效果喔！！保濕度高，亦算持久，搭長途機必備，推介！ Slendertone Hong Kong(展位：3G-D14)，有唔少的腹腰帶、TRX、修臂器等，喺屋企都可以做到運動嘅效果，唔洗去gym房都得，最緊要係跟足說明書用法，唔好拉傷呀，同埋要有恆心，小妹亦努力練緊firm abs，讓自己靚靚迎接夏日陽光與海灘！ Hello Kitty Green Living X Towngas 煤氣公司首次喺家電‧家品‧博覽中與全球首家Hello Kitty Green Living綠色天然有機店合作，推出十大有機及天然產品，包括有機曲奇餅、花茶、乾果、果汁及護膚品等。Hello Kitty Green Living 獲奬無數，包括「至TOP 有機零售商」、「食品源頭追蹤計劃」等，可謂內外協備、安全可靠！除食材外，更有精美的Hello Kitty廚具供大家選購，實為入廚愛好者的福音！ 作為Hello Kitty忠粉的我，這個美與健生活博覽好讓我認識Hello Kitty Green Living綠色天然有機店，十大有機及天然產品均以85折發售，同時更推出Hello Kitty 廚具，全部8折，好想要呀！ 車淑梅小姐握介的Samily 玻璃容器除左用料符合國際安全標準外，還有著專利塗層技術，即使唔小心打爛，碎片亦不易四濺，安全可靠，適合有小朋友的家庭! Smartech（展位：3F-B05） 產品有多功能萬用鍋、強力多功能蔬果攪拌機、智能自動除塵清潔吸塵機及環保直立式風扇等，做家務時大大減低人體體力消耗呀！「SV-1900 “Round Slim Robot” 智能自動除塵清潔吸塵機」 Smartech推出這款智能自動除塵清潔吸塵機, 機身設彩色LED功能顯示屏及輕觸式按鍵, 配合防跌落感應器裝置, 以及預約清潔功能。 底部設雙頭清潔刷, 配合橡膠滾輪及微孔清潔布, 可自動走到家居每一個角落, 讓你亳不費力便可清潔居所。 「SV-1680 “Smart Gun Cordless” 強力無線多功能旋風吸塵機」 Smartech新推出的Smart Gun Cordless 強力無線多功能旋風吸塵機 (SV-1680) 配有專用充電及配件座, 收納容易, 充電後可以持續使用20-25分鐘。 使用SV-1680時無須連接着長電線, 輕巧無束縛。加上電動旋轉拍打式刷頭, 適合清潔地板及地氈, 真正輕鬆清潔全屋每一個角落。 另設一按式倒塵及易拆式可水洗塵杯, 方便衛生。 聽落這個打掃神器真係幾新奇，做家務再唔係苦事，有賢內助的幫手，打掃能更得心應手！ Konstar（展位：3G-C12&14）$1 即搶搾汁機 香港廚具品牌Konstar，其皇牌產品「Konstar手動原汁機」，以慢磨原理榨出鮮果特飲或雪葩，原汁原味之餘更能保存營養，迫你減byebye肉，健康又環保，原價$399，現在只需$1（首日限定6部，先到先得）。另外，博覽期間，所有Konstar全線產品9折，更可用優惠價換購不同禮物。 參展商將展出多款最新彩妝及護膚產品、美髮及護髮用品、按摩用品、美甲用品、家用電子美容產品等各種健美產品，當中無提及嘅仲有台灣玻尿酸水感保濕防曬系列。另外，展覽期間，大會安排了多項活動，包括化妝、髮型及美甲示範，以及由著名美容及食療作家和名醫師主持的養生保健分享會，令入場人士滿載而歸之外還能得到更多健康資訊，絕對適合鍾意扮靚，同時又注重健康嘅你！PS, 首日頭炮有韓國化妝教室添。 話明及 將於同期舉行，一張門票就可以進入3大展館，除左美容展覽，場內亦設有大大小小的美食攤位！ 美食博覽 (8月11至15日) 今屆的美食博覽匯聚近1,400家參展商的美食,參展商來自25個國家及地區,其中來自克羅地亞、芬蘭 和冰島的公司更首次參展,為美食博覽增添多元色彩。 美食博覽分為「貿易館」、「尊貴美食區」及「公眾館」。針對業內人士的「貿易館」設有多個主題 產品區,繼續為創造貿易商機及交換市場資訊提供一站式平台,包括去年新設立的「清真食品區」, 以及今年增設與同期「國際現代化中醫藥及健康產品會議」相關連的「中醫藥展區」。「貿易館」於 展覽首兩天(8月11至12日)只開放給業內買家參觀,並於最後一天(8月13日) 同時開放予業內買家及公 眾持票人士入場參觀。 「公眾館」的「美食薈萃廊」網羅超過 30 個香港的知名飲食品牌,包括奇華餅家、安記海味、 大班、美心、日清、同珍等等。公眾館同時涵蓋加拿大、中國內地、日本、韓國及菲律賓等多個地區 展館,為美食愛好者帶來一個國際性的美食盛會。其中更不乏特色美食,例如 2011 年獲新西蘭米糠油 銷量之冠及在倫敦獲得最佳煮食油金獎的 Alfa One 米糠油、人氣 Hanjuku Kobo 半熟芝士撻、過去用 來進貢日本天皇的福久池上白米等等。 超力熊井珍珠水餃（攤位：1C-D02） 即場試食了兩隻，是用清水淥熟的，保留原汁原味。還帶了回家，每包有50隻，size真係好珍珠，可以一啖食哂，Ｄ汁都唔會溢出，好juicy吖，不消一星期已經清左一包啦Q_Q，是深宵的魔鬼～ 唔知大家有無飲過伏嘅椰青水？賣得好平，但味道酸酸的，一點都不正宗，最喜歡就是喝原個椰青裡面的，這樣才夠清甜和帶有濃濃的椰子味，你懂的！小妹當場試飲了IF 100%椰青水，一試愛上，就是那個味道，仲有潤肺清熱嘅效用，唔錯^o^~~ Tom’s Farm x 梳乎蛋B1-D06（攤位：3E-B4） 推出限量版的Tom’s Farm x 梳乎蛋 (蛋黃哥) 匙羹及一斤果醋 x 梳乎蛋保温壺。 每款每天限定200支，買任何Tom’s Farm大包裝果仁2包即送限量版匙羹，送完即止，必成為fans的搶手熱貨。蛋黃哥匙羹好qute吖~ 1蚊NanaMee青咖喱米粉40包（高格行有限公司，攤位：1B-D06） 首日頭10位顧客。只需用$1就可以購買10袋4包裝的NanaMee青咖喱米粉（價值$600）。送埋購物車，方便你輕鬆掃貨。仲特別限量10架 $1哈美獅購物車，更可即場參加「擲金獅‧贏LC」遊戲， 贏取Le Creuset鑄鐵花花煲套裝 (價值$4344)。當場試食左青咖喱米粉！ 帶左NanaMee青咖喱麵番屋企試，前幾日煮左來試，超好食呀！只係計調味斬有3包，包括青咖哩醬、奶粉和調味粉，夠哂認真，味道食落似餐廳吃到的，好creamy。一個麵加少少配料，午餐認真夠哂頂肚，不過個人認為麵好食過米粉。 ^o^~~ 1蚊搶水晶 ：一世免費食榴槤冰皮月餅（醉榴香，攤位：3E-B4） 首日頭3位顧客。若參加者於30秒內能夠在醉榴香水晶箱內取得10個以上的榴槤水晶冰皮月餅，即可每年獲贈1盒免費貓山皇榴槤冰皮月餅（原價$808）。每年送1盒，食足1世！ 呢排榴槤當做，貓山皇、黑刺、D24及變色龍超市都開始有得買，是次收到的是D24榴槤冰皮月餅！ 一向我都唔"好"鮮榴槤肉，主要係質感問題，但係幾鍾意陣味，我會食其附屬品，例如雪糕，真係令人又愛又恨！醉榴香冰皮月餅的外皮軟身，一Ｄ都唔硬身，裡面都是榴槤mixture和榴槤肉，質地超creamy，有種升天嘅感覺，心唸：唔夠喉呀。 「美食博覽、家電家品博覽、國際茶展、美與健生活博覽」資料： 香港貿發局「美與健生活博覽」、「美食博覽」及「家電．家品．博覽」: 日期：2016年 8 月 11 日至 15 日（星期四至星期一） 「尊貴美食區」 日期: 2016年 8 月 11 日至 14 日（星期四至星期日） 地點：香港會議展覽中心 價錢： 美食博覽公眾館/尊貴美食區/家電‧家品‧博覽及美與健生活博覽2016：港幣 40 元 美食博覽公眾館/家電‧家品‧博覽及美與健生活博覽2016：港幣 25 元 美食博覽公眾館/家電‧家品‧博覽及美與健生活博覽2016(晚間進場票) ：港幣 10 元 3 歲或以下小童及 65 歲或以上長者免費進場 展覽會每日關閉前 45 分鐘停止售票及進場 門票於「TNG-香港人的電子錢包」、指定 7-11 便利店、指定 OK 便利店、快達票售票網 (www.hkticketing.com),以及展會現場發售 是次產品由資料由HKTDC提供 文章全部內容均屬個人意見及感受，使用效果因人而異，並不代表該品牌／公司之言論及立場。 ～～～～～～～～～～～～～～～～～～～～～～～～～～～～～～～～～～ Contact me：peggysinpikki@gmail.com Facebook page:https://www.facebook.com/piggyandsiushan 入黎禁個讚留意下我既新動向啦 :D 多謝收看♥♥
