今次係我第二次去南怡島, 但小法國村係第一次 :D 貪平既交通方法就一定係搭地鐵!!! 另一方法就係搭青春號ITX由龍山/清涼里出發去, 咁就一定有位坐舒舒服服去到...價錢爭一截,車程又差不多>_< *無記錯既話價錢係4800won同1900won既分別... 加上我地咁青春洗乜搭青春號丫(關咩事XD) 我地由忠武路出發, 去到往十里再轉去清平/加平站落車就得!!去到再轉5000won循環巴士! 本身我地係去加平站落車,但因為我地遲左出門口,一定會趕唔切架循環巴士...好慘架走左一班要等一粒鐘=0=所以我即刻睇睇個循環巴士時間表,決定搏一搏係清平落車,去左小法國村先!!! (以下時間表來自網上) 題外話: 海龜島好似係之前Running Man去過果個好多tent既地方,比韓國市民bbq同露營既地方,我覺得都好靚呀!!! 有機會去參觀下都好哈哈哈~~ 清平站~~比加平站少人dd 架巴士一黎到,係上車前買飛就得! 5000won一個人!! 根據經驗,就算你幾早黎到,排晒隊都無用=0=好多韓國人都係會打晒你尖...明明坐前排變左坐最後排哈哈哈咩事~~算啦~唔會影響到我地心情既 :) 清平去小法國村呢條路真係"凳"到你...真係有下拋起左我地XD不過沿途望到d風景真係超級靚呀!!! 巴士上個導遊"阿作屎"(아저씨大叔)介紹得好生動~但我已經唔記得左佢講咩喇XD 佢最後問我地有無睇來自星星的你haha! 我好大力咁點頭,佢好似留意到XD 落車拍一拍我,講左句唔知咩"都敏俊씨"哈哈哈~ 之前玩韓國觀光公社的遊戲贏左兩張小法國村既免費飛終於用得著 :) 仲有都係韓國觀光公社送既coupon,5000won就入到場~我地一行6人,除返開每人都係唔知2000幾3000won咋!好抵玩! 正常入場價好似要8/9000won架!!! 黎呢度除左係因為之前睇running man見到好靚好童話之外,就係因為係來自星星的你見到好浪漫既場景 @3@ 咁當然..小王子做主題既公園都要黎一黎見識下既 :D點擊圖片放大 一入園內,我地就肚餓XD 行行下又比我地見到賣野食的店, 見到個個買支好似熱狗既野, 於是我地又買埋一份!! 其實...我覺得自己好似食緊舊炸粉哈哈~不過肚餓食咩都無所謂啦~大家一齊食都開心既 :P (好味度: ★★ 賣相: ★★★★) 點擊圖片放大 其實小法國都幾細的...好快就行完! 周圍都可以見到好多影相點係<<小王子>>入面見過!! 係小法國村入面最令我難忘的竟然不是小王子,不是玄彬,不是都敏俊,是這個milk shake! 相信好多人都食過呢隻雪糕(?) 第一次食呢隻雪糕(?)係因為睇Running Man見到光洙食得津津有味,於是又試下~一開始是啜空氣落肚xD 因為未溶...溶左就好好味 :9 呢隻咖啡味更加係罕見!!! 係小法國村食過之後,係首爾的超市/便利店/士多仔全部都見唔到佢既蹤影 T___T 真係超好味! d咖啡味夠晒濃,好似飲緊咖啡咁~好香~雖然我地邊食邊嫌佢貴哈哈~超市/便利店賣1000won,呢度要1500won~其實都幾貴~啜幾下就食完咁~~不過又對佢愛不釋手!! 去小法國村既朋友去開可以試下呀!! 點擊圖片放大 園內d花都開得好靚 :) 如果多到好似花海咁就正 @3@ 我地就可以私影XD 小法國村無啦啦有個位養左幾隻雞XD 覺得自己去左農場咁哈哈... 呢個位間唔中會有表演睇架!! 我地行到過黎表演剛剛完左 =口=|| 我地坐係度等到差不多時間就出去循環巴士站, 我地下一站係南怡島!!! *小法國村場地比較細, 就算係咁影相我地都係逗留左個多兩個小時左右~因為真係好快行完! 建議如果去江原道呢邊玩, 留返多點時間去南怡島仲好 :)
