福岡機場唔係好大又唔係好細XD 呢個機場係我暫時去過最近市區既機場, 由空港地鐵站去博多只需5分鐘 (無睇錯,真係5分鐘!!) 不過有點呃人成份,係國際線果邊要搭接駁巴士去返地鐵站都要大約20mins (計埋等開車+停車時間) 仲未計買車飛呀果d時間~不過總括黎講都係快既!! 福岡空港 --> 博多站 (5mins) 我地間酒店可以係中洲川端駅or博多駅都可以行到去~做資料搜集果陣覺得中洲川端難行d,所以第一次係博多探下路先!!! 我爸爸大讚福岡地鐵靚,又整齊又乾淨!! 搭車人唔算多,唔會好迫,我都覺得幾舒服既 有朋友已經去過福岡兩三次,講左好多關於福岡既好野比我知,所以我對福岡的第一印象都係好好 :D 我同我屋企人去親旅行都會研究下當地人d衣著 (不是變態啦XD) 例如日本&韓國,一個咁大的地方,我地發現每個縣/地區既當地人著衫d風格都唔同!! 東京好明顯係光鮮d,潮d ; 大阪比東京無咁光鮮 ; 福岡呢就平實樸素d~ 而韓國既首爾, 唔同區d人著衫都好唔同, 江南區唔洗講啦,個個都好似睇電視劇d人著得咁靚, 南大門d人就著得土一點,因為好多呀珠媽...而釜山人都係平實樸素d~~ Canal City 係我地酒店對面,好近! 好大好靚!! 而且係大到會盪失路果隻!! 而我地真係迷失係Canal City =0= 想出返呢個商場返酒店但搵唔返條路... 呢個商場係由幾幢組成, 即係有分南館北館果d, 仲要有埋OPA(賣d young d野既商場,日本周圍都有) 等陣過馬路果陣影...次次行到附近就綠燈,搞到要跑,唔跑又要等5分鐘先過得>< 估唔到中洲川端都有激安之殿堂!! 不過福岡呢度叫驚安之殿堂~~不過就無大阪咁大間~但都有好野買 @3@ 買左好多野食野飲,好正!! 黎到福岡點可以唔食一蘭既本店呢!!! 唔係講笑,呢度既一蘭有9/10(?)層!! 好誇張!! 當然你想坐10樓佢都唔會彩你,因為根本無咁多人,佢唔會開咁多層出黎囉!! 當時我地都係上左一層咋..仲要有一半係後來人多左先開放埋...你都可以揀地下果層食塵既HAHA~有日本人係地下飲酒,但無人食拉麵~~ 識食既,食一蘭一定叫埋溫泉蛋!! 仲要加少少辣先正!! 好可惜無試到屋台...因為呢d屋台都係食拉麵串燒果d,食完一蘭都飽飽~~ 5月既福岡都仲係好舒服~~好涼爽~不過有一點點溫差,晚上只有18/19度...我覺得自己黎左日本避暑!! 超正!!
