黎台灣最掃興就係落雨=0=點解黎5日要落足5日雨... 九份講到咁出名點可以唔去呢...飲飲食食之旅又開始~~ 呢個係唯一旅遊書無點人既好味野食之一!!登登登登...雪在燒 :P 真係好好味!加上有我最鍾意既花生糖~100個正無走雞~ 行到上山頂咁滯先搵到呢間阿柑姨芋圓...係門口完全唔覺間野存在=3= 有冰的熱的...身水身汗唔係唔食凍架呀嘛haha...我覺得芋圓好食過d豆~ 可能有bias,我本身就唔鍾意食呢d咁大粒既豆~~ 我覺得九份呢個地方好似澳門大三巴手信街...兩邊都有好多野食...仲有好多人比野你試食~成日有人叫你試食豬肉乾...唔覺得自己係台灣~~於是...我地兩個女仔係呢條手信街食飽左XD 仲飲左好多茶同薑母茶...最後買到成手都係野!! 落返去瑞芳車站,諗住搭車去十分...點知....走左架車~我地根本就唔記得左要check返個火車時間,鍾意走就走haha~所以就去左瑞芳熟食咩咩 (即係街市) 打個白鴿轉,反正要等一個鐘... 無啦啦見到呢兩支野,叫龍鳳腿,賣相一般,但落去原來係d蔬菜黎~好似20NT兩支,其實都幾抵食丫!! 於是..又飽左喇... 又再一次烏龍~_~終於去到終點站 -- 菁桐 心入面好興奮,以為可以去扮那些年影相,我地搵極都無路比我地去火車軌=0=但時間又好緊迫,班火車只會停10分鐘左右,唔係又要等1粒鐘>< (P.S.返黎香港朋友話我知搞錯左,那些年唔係菁桐-0-) 咩料子haha...真是無言... 即刻衝返上車先唔理咁多,見到想食的野食都唔敢買>﹏< 之後又去返十分落車...去放個個都放過既天燈~~ 大家記得要著返條長褲先好去,十分d蚊真係十分毒&狼死!! 狂噴蚊怕水都可以有勁大隻蚊飛埋黎-0-痕到根本好難寫天燈 (可能係考驗之一) 十分原來可以放煙花?! 係某店寫寫下postcard突然嘭嘭聲,好正呀有煙花睇!! 回程時又落錯車=0=搞到又浪費時間等車返台北~~
