好多人係我呢個年紀晨早去過台灣唔知第幾次...但我係第一次去台灣~充滿期待! 話晒以前中學時期係咁煲台劇~~雖然出發前好多人都話台灣好大陸=口=但我都要去睇睇有幾大陸!! 第一餐就係係台北地下街食呢個蔥抓餅...點餐果陣完全唔知咩係培根= =" 原來係beacon...台灣譯出來d野有點怪怪的~~不過呢個都好好味!! 台北車站果邊好似無咩好行~_~飲左杯蔗汁好解渴!! 但因為倒到成手都係所以無影相 :P 夜晚食熊一,身邊d朋友個個都話必食,就去睇下有幾必食!! 去到大約6點幾,再遲多半個鐘就要等2個鐘>< 同香港一樣食咩都要排晒長龍~_~ 唔加錢食豪d就係基本任食,只係爭咁少少海鮮...雪糕生果野飲都係放題形式!! 最爽係任食movenpick!! 我地兩個喪食XD 都抵返條數既~~ 台灣d菠蘿真係一番!! 甜到呢..絕對唔係罐頭貨色!! 黎台灣又點會淨係食正餐...食埋甜品!!西門野芒果冰做緊減價!! 必食!! 黎台灣緊係唔食豪大大,香港都有啦><食左元貝花枝丸(?) 即炸超好食!!! 係酒店附近偶然發現左間永和豆漿既野!!朝朝d人龍都長過彌敦道! 點都要試試既! 呢籠小籠包真係平到笑! 8粒先60台幣!! 仲要有肉汁,仲要係好食!! omg 原來永康牛肉麵唔係永康街=口=咁點解你要叫永康牛肉麵... 好彩有熱情台灣人帶我地去~~唔係就迷失永康街... 呢碗野成200幾台幣,但我覺得唔值= =" 算啦第一次黎實預左比人呃... 仲叫左一人一碗*0* 不外如是...雖然周杰倫都黎幫襯呢間野... 某日去左饒河夜市, 見d燒菇好似幾正咪試下...個老闆自己燒燶舊菇就掉左佢,所以我地少左一大舊=0=好無奈... 呢個係唔知咩芝士咩扇貝...都唔錯的 :D 又排晒長龍既胡椒餅~熱到我飛起,不過食落又幾好味既~ 藥燉排骨,本身我都幾抗拒藥味,但飲落其實無乜,覺得自己飲緊老火湯haha 阿宗麵線~原來係豬大腸黎~鍾意豬大腸會覺得好好食,唔鍾意就唔好食囉XD 不錯不錯 期待已久!! 終於黎到...最後一日先黎大出血XD 唔記得睇價錢就去比錢,結果買左個成$60港幣既chopper file= =" 史上第一次買咁貴既file...真係無言... 呢個係係寧夏夜市買返酒店食既晚餐...因為落大大大雨...無法子... 每日一杯芭樂汁 !! 台灣d魷魚真係不可不試!! 100個正!! 繼光香香雞我都比50個正!! 至於...大腸包小腸&甜不辣...我只食左一啖... 呢個雞蛋布丁唔洗講啦!! 100個正too~
