好多時儲左好多Asia miles都可能會到期，但又唔夠里數去到芬蘭，最後用左30,000個miles揀左去北海道。不過換得返嚟的機票，可以揀多數得返5月中旬至到6月中旬左右，選擇不多，又無雪滑又未到花開旺季，話有waiting，但我問過根本就無機會可以坐到，但其實一樣都值得去經歷。

我當時揀左5月尾至6月頭去北海道，用左miles換左國泰飛去札幌。飛左5個幾鐘到左札幌，由機場坐JR至hostel放低行李都4點幾了，所以就到附近狸小路行下，睇下附近有咩食兼有咩睇，狸小路有好多間香港人最愛的藥妝店，但間間唔同價錢，需要花點腳骨力格價。商圈附近有幾間100円店我亦有去買左好多野。仲有去激安之殿堂周圍逛，值得一提激安之殿堂真係越行越愛上，我日日都有去行，每日都發掘到好多正野買，加上日本好多店舖都好早關門，24小時的激安之殿堂，自然變成我的最愛。

狸小路
交通：地鐵大通駅和すすきの駅中間
特色：藥妝店、不同菜式食店、激安之殿堂
方便：⭐️⭐️⭐️⭐️
值得：⭐️⭐️⭐️⭐️

激安之殿堂
位置：狸小路3丁目
抵玩：⭐️⭐️⭐️⭐️
方便：⭐️⭐️⭐️⭐️
值得：⭐️⭐️⭐️⭐️⭐️

第二日起身行程，由於我係動物控，主要計劃左好多去動物園和水族館。所以首站就揀左係札幌市搭地鐵就到我円山動物園，落去車會見到一條好多動物階磚的路，証明你無去坐，出左站之後穿過一個公園，沿路會見到叫大家小心烏鴉，特別一個人和女性都會成為黑暗鴉襲擊的目標，所以千萬唔好令食物出嚟。行行下見到有指示話去到北海道神宮，雖然唔無我計劃行程之一，但係我對參拜日本神舍都有興趣，所以就去左行一陣。去完神宮之後就行去円山動物園，動物園都要行一條斜路仔上去，不算太辛苦，大幾十至十五分鐘左右就到。終於到左動物園，入面有一部分動物都好值得睇，而且人流不多，行起來不會覺得不舒服，有幾個景點也不錯，例如小熊貓展覽館，有一隻小熊貓係你頂部的條木橋到行，雖然明明捉摸唔到，但感覺好似走了入小熊貓世界，同佢好近。仲有狼、雪豹同老虎的展覽館都不錯，但我比較無咁喜歡就係北極熊展區，北極熊好似上鏈咁，只是不停踱步。仲有長頸鹿和河馬室內場，海馬住的水同河馬一樣顏色，睇佢唔到，展館又黑又暗，通氣設備不好，味道亦不太好聞，而長頸鹿又在黏鐵枝，慘不忍睹。所以円山動物園還不算一個太完善的動物圓。

北海道神宮
交通：地鐵円山公園駅
方便：⭐️⭐️⭐️⭐️
值得：⭐️⭐️⭐️

円山動物園
入場費：600円
交通：地鐵円山公園駅
抵玩：⭐️⭐️⭐️⭐️
方便：⭐️⭐️⭐️⭐️
值得：⭐️⭐️

第三日就去左北海道白之戀人故鄉小樽，小樽最出名除左白之戀人之外，還有小樽運河、音樂盒、古街等。今次我就會去埋小樽水族館，係札幌JR站的遊客中心，可以買到札幌往小樽JR來回車票、往小樽水族館來回車票，以及小樽水族館入場券，買這個套票更會送一份小海獸食糧（即係魚），雖然價錢同散買唔係平太多，但就方便好多。搭JR去小樽車程很近，大約半小時便到，沿路更途經海邊，鐵路同海邊相隔很短距離，所以一路搭時當浪花打上鐵路時，絕對感受到那種氣勢磅礴。到小樽車站後，車站出口的左邊就是三角市場，而右邊就有巴士站到水族館，車程約25分鐘便到，水族館主要分主大樓、劇場和海獸公園，海獸公園冬天是不會開放，而海獸公園的海象、海豹、海獅、企鵝也會有訓練示範，而我最鍾意的就是企鵝散步和海獅跳水。企鵝散步活動時，護理員會帶十多隻小企鵝去散步，會帶佢地到海邊望海，遊客同小企鵝距離非常近，亦都好難忘，以往就係聽朋友講冬天先有企鵝出巡，可以睇到企鵝散步好喜出望外，即使唔識日文一樣會睇得好開心。而海獅跳水就非常震撼，因為會有多隻體型龐大的海獅會走上崖上跳中水裡，值得一睇。最後當然用左換領券換了一份海獸魚糧餵海豹，但大家注意海鷗會在一旁等待時機搶去魚糧，要成功餵海獸，必須快狠準。

去完水族館搭返巴士落返小樽，去左三角市場，三角市場感覺有點像黃大仙廟解簽檔入的走廊，帶點熟悉感，市場入面好多北海道毛蟹、帝王蟹等多款新鮮海產，因為小樽近海的關係，食材一樣新鮮，而當中的店主也會絕對歡迎大家拎起長腳蟹影相，更會歡迎大家試食，新鮮美味，不用點醬油更好味，亦可購買食材到市場內食店煮食，而我亦有在食店食海膽、帶子、蟹肉丼，但附蟹腳味噌湯一碗，非常美味。

去完三角市場，就去了小樽運河，沿路行會途經一個舊式火車軌，係多名遊客打卡熱點，再向前行就係小樽運河，可先在運河拍攝一些日景，沿住運河向右行，可以到小樽音樂盒工場，之後更可行古街拍照及買手信，最後再次回小樽運河拍攝夜景，之後再搭JR回札幌。

小樽水族館
交通：JR小樽站再轉3號巴士
抵玩：⭐️⭐️⭐️
方便：⭐️⭐️
值得：⭐️⭐️⭐️⭐️

三角市場
交通：JR小樽站
方便：⭐️⭐️⭐️⭐️⭐️
值得：⭐️⭐️⭐️⭐️

小樽運河及古街商圈
交通：JR小樽站
方便：⭐️⭐️⭐️⭐️
值得：⭐️⭐️⭐️⭐️

去到北海一定要瘋狂食海膽、帶子、蟹同拉麵。而在札幌市內有好多間蟹放題，可以個半鐘任食多款毛蟹、長腳蟹刺身和多款料理，不過一人遊注意，放題餐廳只招待2人以上的客人，如一人想食，可能需要面矇咁找其他人搭枱。

此店並非放題呀

成功發佈