Day 1 第一次坐tigerair, 比想像中安全舒服!! =) 可能係星期四既下午機, 近機尾好多吉位~ 同朋友一人一排三個位打橫訓...哈哈 準時1705 到步! <* Tigerair 原來唔可以帶多來食物上機食...!!真係唔知...!! 次次有冇飛機餐食都會自己買d 野上去食... 去個程照食都冇事... 番香港個程食野比空姐話...哈哈哈...T_T....> 首先參觀下人地個機場...聽聞係好出名的! 果然名不虛傳!! 有花草樹木有魚池仲有野玩有野行! 佢有D 上面刻左新加坡特色既圖案矺印版可以比遊人用七彩蠟筆矺印留念~好鬼親子feel~! 體會到好既定義不在新舊,不在宏偉...!! 仲有印左機場名既FOX 糖拎~ 出機場之前,唔好諗喇~真係要買張ezlink ! 雖然total s$12, 當中佔s$5係no refund 既買卡錢, 但真係拎起手就用到 (坐車仲有折ga!)... 坐親巴士地鐵都要數亳子買飛真係唔掂的...!!買啦!! 1900 番完酒店放行李 (Lanvender區), 第一個景點就係會合朋友再去China Town牛車水食晚飯! China town 街檔賣既野都真係幾香港女人街, 有 i love SG t恤呀, 打火機煙灰缸,名勝磁石,卡片座個D...仲有赤柱大把既"愛麗斯","安迪"個D英文名變中文字卡仔....似乎都係岩鬼佬買D... 好肚餓呀!!!! 都係跟朋友行... 一路上都好多野食~但佢地都唔停步~我深信佢地無寶不落!跟!! 中途佢地話呢個係新起既有蓋食場, 都好多檔野~幾企理!! 最後到步!! 原來係帶我地去Maxwell food ctr!! 一人叫一樣野一齊食...!!哇...瘋狂燒雞翼!! <小tips: d店主會問你飲唔飲水, 但!!水! 並不是免費比杯水你飲~而係叫你買一杯野飲呀!> 食到飽飽都唔洗hkd50!又平又好味! 之後食甜品時間!!!仍然係China town!! 跟佢地行左5分鐘, 去左個好似沙田禾輋村既地方...哈哈....食榴槤!! 個招牌好old school... 都幾貴!! 一個貓山王,兩粒大肉兩粒細肉,一盒盒已經開好包住比你揀,s$25 /盒......甘甘苦苦地味....... <小tips: 朋友問我食幾多榴槤.. 我話好飽..想食一,兩粒...佢地即刻恥笑我! 原來SG 叫榴槤, 一個就係叫一粒...大家買時小心喇..哈哈哈哈> 最後一站, 番牛車水地鐵站e出口側既唐點mall, 上"天宇" 買平既門票... 沿路其實都有d 野睇~有好多七彩印度廟, 有林志源, 影影買買到個mall 喇~~當時已經九點幾十點... 都諗住一定關左門...點知佢咁夜都仲開緊!! very nice!! 唔洗明早呢多次浪費時間!!! 太好了!!! <小tips: 上網睇定價錢同買咩野飛啦~天宇fb 有price list!> 下集預告 - 阿寶：人類總要重複同樣的錯誤!!!! 點解!!!! why me!!!! <2014.10 萬勝遊星洲 之…2 - 東海岸!點解你咁難去>
