睇到今次張圖之後, 有無靚女靚仔們嚇左嚇, 是的!我今次介紹既係肉...肉...同肉, 但係女仔們見到美食當前 心裡面既os應該係 "食左先算,下餐食少d啦XD" 對於我呢D窮人尼講食西餐可能係大時大節先會出現既情節, 但係今次呢間小小店真係打救左我呢d窮人! 價錢合理之餘,重要好味!!!!!(我已經掛住個味道想去再食...) 路痴既我今次又係出動人肉GOOGLE幫我去到, 我地用左成廿分鐘搵... 但其實呢間小店係係荃灣地鐵站一出行大概5至6分鐘會到.... 去到之後見老板好忙都好快幫我地執好枱,比menu我地睇 (超強!一個人一腳踢) 大家估唔估到我會食咩呢? (提示:肉 ... 肉 ... 肉) 其實我係留意左佢既facebook, 為左個醬燒豬仔骨而來 (死肥婆是我!) 跟住我就等我男友諗食咩 (樣樣都想食既人=_________=) 佢就揀左香草芥末雞扒配意粉! 貪心既小朋友又點會食禁少呢! 最後再叫左醬燒汁雞翼 (15蚊3隻好難唔食) 老板好快手比左野飲我地飲下先~ 之後過左無耐上左雞翼比我地, 比起炸雞翼我喜歡焗既, (其實係食之前兩日同成幫fd食韓國炸雞好有罪惡感) 雞翼超入味, 應該係醃料上做左不少功夫, 我最後係同哥仔搶最後一隻食! 跟住就上左香草芥末雞扒意粉 (48蚊!48蚊!48蚊!) 大份到眼殘既我以為係我叫個個骨! 首先意粉唔係平時烚一烚個隻, 有落鑊爆香已經用左唔少心機, 個雞扒好堅! 唔痴牙的~ 芥末味好特別, 見人地好快禁狂食, 我就無搶尼食... 但個晚搭車已經好想再食.... 如果總結近牌食過既意粉尼講, 我會放佢係第一位, 菜夠曬多(唔係大家慢個D烚爛菜伴碟) 雞扒大大塊, 意粉比例合理!! 我的媽也! 係唔係以為去左個d燈好暗, 一碟成二百蚊既餐廳.... 不是的, 我沒有騙你... 人地亦都唔知我係有寫文, 整得靚靚比我 (睇佢fb就會知) 78蚊!!!!!!!! 我覺得女仔可以兩個人share, 但我太大食真係可以食曬, 留返菜同粗薯條比人食 尼張高炒就知大碟到呢... 沙律菜有沙律菜既醬汁, 食完超滿足~ 成餐200蚊都唔洗 (立刻塞100蚊比男友aa制XP) 不過因為唔想大家失望要溫馨提示一下! 呢間店真係小小店尼, 兩張枱仔, 如果係同兩三個好姐妹食, 我覺得唔錯嫁! 如果係吃貨小情侶, 一定TUM到女朋友:) 相信大家為左食好野都會在所不計!!! 呢間小店重有到會服務!超強! 荃灣西樓角路202-216號荃昌中心昌寧商場地下28號鋪 聯絡電話：3481 0181 營業時間︰套餐 及 小食時段 12:30-21:30 下午茶時段14:00-18:00 逢星期二休息 facebook fanpage: https://www.facebook.com/pandaqqhk instagram ‘s id: aringsdairy 想聯絡我可以電郵到:aringlife@gmail.com
