一個人旅行真係好少會定時食野， 亦因為禁就成日係街邊行邊食, 發現左幾多得意、好食既野! 韓國代表 1.Hershey's 曲奇朱古力牛奶 購買地方：樂天超市 去韓國大家都會飲香蕉牛奶， 今次去韓國就試下新野， 飲媳紙包裝既奶， 同維他奶一樣， 佢係一排六包裝既 價錢唔太貴， 對於成日食呢隻外國牌子朱古力既我尼講， 真係完全無抵抗力， 香蕉奶同佢比我 我會揀佢☺ 2.睇得又飲得既Line包裝飲品 購買地點: GS21便利店 (獨家) 宜家咪好hit用zip袋包裝既夢幻色野飲既, 呢個我覺得有得揮, 價錢超級平, 圍起好似港幣5蚊都唔洗, 一開始係釜山個時見到已經想一袋買, 點知... 得兩包, 所以試下先, 一包係blue lemonade, 痴線嫁!有果肉係裡面, 踵然係係負幾度下飲但都覺得勁好飲, 想要有ICE就要買個FOR呢D包裝野既杯, 後尼發現有可愛既LINE圖案 結果飲完拎返返黎香港 (笑) 後尼係首爾一間僻D既GS21, 見到超多, 有齊所有味, 提子 蜜桃 榛子果仁 Blue Lemonade都有, 最後買左Blue Lemonade同蜜桃幾包, 當手信都得意d!!! 但係奉勸大家要放冰飲, 因為就禁雪凍飲真係勁甜, 溝水又怪怪地... 3.士多啤梨蘋果雪糕 購買地點: 7仔 好多台灣blogger介紹過, 但係我真係去禁多次韓國得今次先搵到, 可能真係好少會係apple and strawberry XP, 食落去我覺得蘋果味重d, 不太肯定係咪雪糕係蘋果味, d 醬就係士多啤梨醬, 不過又真係幾好食既, 當我食左上面個層 好苦惱下面點食(個晚食漢堡包無餐具), 之後用筷子食.... 食完先知人地好貼心禁放左枝匙係紅色殼下面, ...... 4.IU代言high爆蜜桃酒精飲品 係我係因為包裝而買既, 不過好難會有蜜桃飲品係唔好飲既, 飲落去有D似波子汽水d fd, 但都有少少少少既酒味既, 香港宜家都有得賣了, 唔飲得酒既朋友可以試下嫁! 日本代表 1.蜜瓜雪糕 購買地點:超市 一見到佢細細杯我就忍唔住買了, 同埋見佢包裝個雪糕花紋超美, 一開蜜瓜味已經散出尼, 深色個d係蜜瓜啫喱, 食落去好有口感, 細細杯令我可以再戰其他甜品~ 2.提子波波冰&蜜瓜波波冰 平時極少食生果(超級唔健康) 見到d有幾多%純果汁既產品又會勁like, 呢隻波波冰真係有兩層口感, 第一層有少少好似雪糕既味, 裡面個層就好juicy, 熱天時放係口含住超舒服, 似果汁多過生果既, 夏天食要急速食, 因為真係勁快就溶! 3.蛋黃哥雪糕 購買地方:Familymart 單純既我見到就緊係以為裡面係蛋黃哥樣, 見佢包裝都可以呃下like, 點知... 係知係普通雲呢拿雪糕同芒果雪糕, 不過佢整到禁既造型算係禁啦! 而且又唔係難食~ 鐘意蛋黃哥可以試下 4.紫薯味即炸宅卡b 購買地點:Calbee+ 我知香港宜家都有, 但係我去個時係未有, 所以一見到真係陷入瘋狂, 一買買左兩隻味, 個人覺得紫薯好味d, 可能係甜甜地又鹹鹹地, 所以一食食左好多, 你睇下下圖就知啦~ 唔係話雜菜個隻唔好味, 但真係似m記薯條... 你會唔會用20幾蚊食m記薯條呢~ 5.雷神黑朱古力 購買地點:超市,FamilyMart Photo Credit: estherhsiao 我真係好少食朱古力, 一尼覺得好甜同好濟, 但係見上年台灣D人瘋狂食, 就好好奇點解啦, 同埋見佢唔食100 yen 就有平時兩條細包裝kitkat既大小, 就買左一堆返黎當手信, (royce一塊細細塊都勁貴,派唔起xp) 本來係便利店買左就算了, (掃左架上所有) 點知係民宿無聊食下, 痴線嫁, 好食到, 黑朱古力又唔會太甜, 裡面有好似oero餅碎禁, 真係口口食, 我明台灣人點解禁迷.... 最後再去超市打包左一盒, D Fd都話好好食~ 返到尼香港唔夠一個星期全部無曬~ facebook fanpage: https://www.facebook.com/pandaqqhk instagram ‘s id: aringsdairy 想聯絡我可以電郵到:aringlife@gmail.com
