面對﹖迎接﹖ 颱風過後，街上滿目瘡痍，除左颱風期間既各種驚險場面，仲有一大堆海洋回吐既垃圾﹗到底，是誰惹的禍﹖香港唔係第一次打風，但點解以前無試過水淹停車場﹖香港都仲算好彩，都只係財物損失，相比澳門，香港情況算好彩﹗ 下晝突然接到好友電話，醫院通知準備聽日入院，接受下周一既開腦手術﹗唔係呀嘛，咁突然﹖﹖朋友近年一直受腦神經問題困擾，睇左私家醫生，因為手術費太貴，只好考慮轉介到政府醫院，排左期話要等，點知一係無消息，一泥就係叫你聽日入院﹗ 朋友打泥問做唔做好﹗人就係咁矛盾，你話對手術完全無認知咩﹖又唔係，之前私家醫生已經解釋得好清楚，亦講左風險同手術過程，起碼連我哩個局外人都知，只係，人都總鍾意拖下先，希望可以有多少少既時間作心理準備﹗其實準備咩哩﹖又唔係叫你去做執刀個個，準備好入院就可以了﹗ 入院喎，比人麻醉，失去知覺好幾小時，比人打開你個腦，唔知佢整過咩，然後醒返唔知會唔會有改變，改變又會係好既定唔好既哩﹖一大堆問題，一大堆未知之素，好驚好驚﹗不過，諗深一層，查實又無野可以準備，假如。。。唔係哩個狀況，而係突然意外被送院做手術，咁咪仲無得準備﹗依家都仲起碼知道自己做左個手術既內容﹗ 就係咁，同朋友傾左一輪，兩個人你一問我一答咁，總之就係天馬行空咩都諗咩都講，有正面既有負面既，係對答既期間，都會問自己，如果逆地而處，自己做唔做﹖當顱壓發作個陣，成日都會話，不如搵人幫我係個腦度開個洞，幫我減壓吖﹗但原來人大左，係瀟灑不再的，死左反而好地地，只係怕，半生不死，影響日常自理能力，要別人照顧，咁，到時又點算~~~~ 有時，原來瀟灑只因無知，當你顧累既野多左，當你知得越多，猶豫就會越多﹗到底，應該點樣去面對，點樣去迎對未知﹖ 不過，我都係好討厭個尐，一泥就問，你今年係咪犯太歲既人呀，你認命啦﹗真係認你條命呀~~~
