話說，舊年專程飛左過台北，第一次自己一個人出門，第一次參加瑜伽工作坊，仲第一次外遊期間遇著打風，迫使本來八日既課程停左兩日課，主辦單位要退回部份學費﹗

當時既導師係出名既瑜伽治療師，配合一連串既瑜伽動作，去改善瑜伽動作既流暢度，同時亦幫助改善身體問題，超有心又有經驗既老師﹗最初我以為係工作坊，你聽到幾多就幾多，佢地既知識就係佢地既價值，如果印哂書拍哂片，咁，佢地仲有咩價值哩﹗不過原來哩個完全係我小心之心度君子之福﹗課堂上唔單止有詳盡既書，導師仲即時更新左PDF 檔比我地，又唔介意學員拍片作紀錄，真係既有學識，又有風度既教師﹗﹗

事隔一年，無意中發現香港都有人做緊類似既野，真係超有心，有個復健教練完全唔介意自己既野比人偷師，不停係社交網站上傳教人在家就可輕鬆舒緩痛症既教學片段。都係個句，人體本該就有自癒能力，奈何都市人個個都營營役役，點會有人記得要停低找回平衡點﹗難得有人樂意分享心德，確實可敬﹗

當然，你可以話佢有商業立場，當然啦﹗拍片係但求有更多人識，提高知名度從而維持生計，不過，反過來諗，假如佢教哂你，而你又乖乖咁做，查實，佢係無生意架喎﹗哈，相信，實際比錢去搵佢做復健既人，應該都係問題大到無法自癒﹗一般痛症患者睇完可以自行改善，咁佢又可提高知名度，其實，都係雙贏吖，何樂而不為﹗﹗世界無免費午餐，各取所需，無壞吖﹗﹗

一直都只係網路上睇佢分享既資料，早前知道佢開工作坊，於是又慕名報下名﹗諗返都幾搞笑，舊年上工作坊遇著打風要停課，今年居然歷史重演，工作坊既原定日子居然又係打風（早兩星期個個靜過湖水既8號風球），被迫要取消。好彩今次唔使退錢，只係延期，於是，係剛過去既星期日啱啱上完堂﹗

兩個導師既方向同學既野完全唔同，經歷亦唔同，所以無得比較。不過，兩個唔同學派既人，都係抱住同一心態，就係點樣去用你自己既身體去治療你自己﹗同樣，導師都好唔慷慨咁做好哂講義比你，驚死你唔明咁拍埋片比你返屋企慢慢睇，從旁不厭其煩咁提醒你正確既做法，真係難得既好導師﹗

市面真係好有多導師，之但係識教又肯教既又有幾人﹖﹗佢好似泥緊10月會再開新班，哩尐咁有心既，真係要多多支持﹗﹗

工作坊的講義

清楚易明

相關閱讀：The Body heals itself

成功發佈