懷念藍天

開始放暑假，好多家長朋友都帶同子女外出旅遊﹗唔知。。。幾時開始，香港孩子既暑期一定要搭飛機，一定要去外國﹗孩子到底要咩﹖唔知哩，我無仔女，唔敢代答，之不過，有時想問，暑假（或寒假）同子女外遊，其實，到底係實際需要﹖係羊群壓力﹖定係在職父母既一種心理補償﹗父母們覺得平時相處時間不夠，覺得子女在學業上面對種種壓力，而自己並不是別人，而是壓力施加者，於是，為左彌補心裡既虧欠，就來個"親子"旅遊﹗

之不過，到底哩尐親子旅遊，係咪真係起到親子作用哩﹗都係各取所需啦﹗﹗

因為唔需要作出心理補償，所以基本都唔會係暑假期間外遊，以免同一眾家長爭機位，爭住宿，不過，一個鐘意往外闖既人，見到個個都去玩，又的確會受影響既。但要開始準備考試，可能短期內都無得出去玩。

唉，明明話過打死都唔再讀書，都唔知為咩又再自己攞苦泥辛﹗因為要準備提交學歷證明，先發覺自己有一大堆既證書，以前，以為用時間精神換來一大堆既認可資格就可以令人生變得更有意思，更充實﹗可惜，一路走來，卻發現這一堆的證書並沒有為我帶來快樂﹗能自由自在的結味世界，人就充實，人就快樂，根本與這一大堆的學歷扯不上半點關係﹗

其實，開心真係可以好簡單，靜靜咁享受藍天，享受微風，享受大自然既每一種變化，心，自然就開了，何苦要受制於其他人所設訂既框架，受制於其他人既規條?

成功發佈