文字，本來係浪漫溫柔既，本來係溫暖動人既，但另一方面，文字亦可以令人入罪，可以令人身敗名列，可以讓人死後仍不得安寧，什至要灰飛煙滅。

我好鍾字文字，年輕時代，大家都忙於煲電話粥既時候，我選擇爬格仔，選擇寄信﹗及後開始盛行手提電話，我都選擇比錢發短訊而接電話，哈哈，對唔住，係，我係怪人﹗﹗

當大家都話，職場唔會遇到知心友既時候，當年初出茅廬既我，就遇到人生最好既朋友﹗

雖然負責唔同範疇，但當全間公司都係男人，兩個二十出頭既黃毛丫頭就好自然咁走左一起，可幸既係公司規模唔大，管制不多，兩個人做咩都愛黏在一起﹗早餐一餐，午飯一齊。當時兩個人都在進修，雖然範疇唔同，但同樣面對半工讀既苦況，同樣面對踏足社會的種種不安和忐忑，對未來的疑慮和期望﹗兩個傻丫頭，午飯時間，一時會係公司走廊踏遠，一時會躲在會議室砌砌圖﹗總之無無聊聊，咩都拎泥講拎泥笑，工作上有咩麻煩，即使唔同部門，都會盡量幫忙解決﹗

一個人想離職，另一個梗會拍心口話不如一齊，好傻好可愛既日子，人生，有幾個個咁樣樣既朋友﹗人大左，要面對既野越來越多，咁樣既莫逆之交，能有幾人﹗﹗人生第一次出門，第一次坐飛機，都係同哩個好朋友一齊。

諗返起，最傻既係兩個人明明每日會係公司見面，但偶爾依然會為對方寫信，寄返去公司比對方﹗當年既信件，依然保留係書櫃裡面﹗後來大家最終都被迫分道揚鑣，聯絡少了，但每次見面，都會帶備一大堆手信，皆因沒有見面的日子，仍不時會想起對方，所到之處，總會為對方買來紀念品，就這樣，總有一堆的話要說，一堆的經歷要分享﹗

這一次，一別六年，最後一次見面是在朋友的婚禮上。對啊，朋友算是遲婚，並不因找不到對像，大家相識之時，已早有伴侶了，只是大家都覺得，沒結婚的必要，至於為何突然選擇要結婚，當然是為了迎接新生命﹗

當然為好友懷孕而高興，只可惜朋友懷孕的過程不算順利，大概是高齡產婦，胎不算穩妥，所以婚禮後想相約探望一直未能如願。朋友一直要留床安胎，不願見面，誰不知，這麼一拖，就拖了五年﹗由得知朋友胎氣不穩，到嬰孩早產，離開母體後就一直在ICU留院到一歲多才能返家，之後要面對的種種當然多不勝數﹗期間一直想見面慰問，可是大概是朋友身心俱疲，一直在推，一直在避。

孩子快5歲了，雖然有點瘦，也知道身體的毛病可不少，但總算能親身見面了﹗這段期間，雖不能見面，只靠書信來往支持﹗在香港這彈丸之地，還有多少人靠書信問候的哩﹗﹖

總算見面了，真好，雖然一直沒見面，但想不到跟這孩子特別投緣，晚飯期間居然肯主動交談，心裡實在感恩，能看著好友的新生代健康成長，是種福份，往後，或許不能常見面，但希望仍能繼續以文字交往啊﹗﹗

成功發佈