4月22既0035就要向意大利既羅馬出發啦﹗獵櫻行左幾日，其實個人都未完全回魂，希望一切順利啦﹗今次第一次搭阿聯酋航空，又第一次搭A380，嘻，好期待哩﹗ 唔知咩解，今次有點偷懶，無好認真咁準備意大利既行程，到依家只係得個初稿，邊幾日去邊度，但至於交通，火車到底點搭、係邊度搭都未睇，唯有邊玩邊計劃吧﹗﹗ 第一站 - 羅馬(ROMA) 到埗當天1325先到機場，出到市區都正值黃昏了，四圍行下就算，預計一日係市內遊走，一日睇梵蒂岡，所以打算留宿3晚，應該夠啦掛﹗ 第二站 - 拿波里(NAPOLI) 其實朋友都提我個邊治安較差，但我地想去睇龐貝古城，所以點都要留宿1晚﹗哈，查實我只大概知有小火車係拿波里中央車站去龐貝，但實際資料未睇，去到先算﹗ 第三站 - 佛羅倫斯(FIRENZE) 其實我覺得翡冷翠個名靚尐﹗全個旅程，暫時只係買左係拿波里返翡冷翠個程火車。睇旅遊書話，4月會有什麼煙火節，唔知仲趕唔趕得切睇哩﹗翡冷翠都會留3晚，到時應該會有足夠時間準備餘下既行程資料﹗ 第四站 - 五漁村(CINQUE TERRE) 五漁村其實係我地想去意大利既其中一個原因，偶爾係網上見到人地既相，覺得好靚，好想親身去睇去，到時應該又係行山日﹗不過我地只可以係度留一晚咋﹗ 第五站 - Val d Ocia 出發之諗左好耐，到底租車唔租車好，因為好怕誤闖舊城區內既管制區被罰款，之但係，其他地方可以唔租，但哩度就一定要﹗Val d Ocia個名未必個個都知，但我地既意大利之旅主要只係為左哩個地方﹗其實佢係TOSCANA入面既一個小區，至於有咩睇，影到相就話你知啦，我都好希望可以影到﹗其實一場泥到，只係係村入面留3晚，感覺有點可惜架，不過做人不能夠太貪心既﹗ 第六站 - 威尼斯(VENICE) 泥到威尼斯差不多係尾站了，聽聞哩樹好靚，但物價亦好高，睇靚野，有時係要付出代價既﹗係度玩3晚應該唔會破產掛﹗哈哈，唔怕啦，玩完哩站就返香港架啦﹗ 第七站 - 米蘭(MILAN) 應該只係路過性質，當晚2200機，要去機場幫朋友買手袋耶，反正舊年去瑞士時都有行過下，頂盡都係再去米蘭大教堂影個相既姐﹗ 係喎，其實嚴格泥講，尾站應該係杜拜先真﹗回程時依然係杜拜轉機，逗留時間14小時，反正唔使做簽証，諗住出去DUBAI MALL見識見識一下﹗ 今晚就飛，但個行程都只係咁，今次有點偷懶啊﹗ 上一篇：向薄餅國出發 - 準備篇
