如果講辛苦，全個獵櫻之旅最辛苦應該係吉野山個日﹗一到埗當天已發現今次對櫻花敏感既情況比上次東京賞櫻時嚴重，唔止鼻水，而係眼腫面腫，食過敏感藥仍無效，但都係個句，身邊人想睇，唯有捨命陪君子﹗個日一出吉野駅，己經見到漫天既櫻吹雪，沿路上山時外份吃力，幸還是不幸，又係睇你點睇啦﹗﹗可幸係當天天氣真係好好，陽光普通﹗賞過櫻既朋友都應該會同意，櫻花係係陽光照耀下先最靚，實在係天公造美﹗﹗ 奈良既吉野山係賞櫻聖地，即管完全唔考慮有無香港或國內同胞，當地人都好鍾意去哩度行山賞櫻﹗原訂計劃係離開當天（星期一）先一早出發過，以避開人潮，但天氣預報話星期一（04/17）關西廣泛地區有雨，只好提前係星期日過去，被迫正面同當地人爭路﹗ 結果一如所料，早上八點已出門前往車站，可惜都係唔夠當地人早，車廂全部都企滿人，唔好話坐，企都有尐困難﹗本來想買有料特急，以免企足2小時既車程，可惜事與願違，大家想法都一樣，但求花見，一票難求﹗真心佩服日本人既耐性，車廂真係迫到想喊，但各人都依然好寛容咁有講有笑繼續等候，全程兩個鐘車，車廂內氣氛依然安靜守禮﹗ 出到火車站，已經一大堆人等緊巴士，亦有人已從山上回來，唔好諗住巴士會有得坐，未埋到去車站，職員已示意話上山交通擠塞，起碼要等一個鐘車，車程本來約30分鐘，但塞車無人話到你知要幾耐，有無位坐﹖哩個就真係要睇你運氣﹗咁既情況，你行定等﹖行上中千本公園車站約1小時步程﹗真係人生交叉點，企左兩個鐘，繼續行﹖等巴士又係繼續企﹗唉。。。為左美景，一場泥到，等又好行又好，都係要繼續架啦﹗全程無咩聽到廣東話或普通話，上山時唯一見到既係一對拖住三個大行履箱既普通話人士，問左知道巴士要等，於是拖住篋上山，堅呀下﹗睇花可以去到幾盡﹗﹖ 沿途都是人，好彩日本既公民教育真係做得好好，可以休息既地方大家都好禮讓，稍作休息又會讓出位置比其他人，都叫做行下坐下﹗於是，又係一路係咁行，行到上去上千本，就慢慢行返落山。 一出車站就係人 其實好想上埋去奧千本架，但驚體力不繼，行到上千本就回程了﹗ 企左兩個鐘，妄想過可以係巴士休息一陣，但等巴士最少要一個鐘，然後上車路程無人敢包有無位坐 回程一樣多人 又係行足一日，回程時企圖買特急，希望有位坐，可惜一樣早已售罄，唯有繼續企返大阪﹗問心真係辛苦到爆，返泥都未有機會睇返尐相，但一切美景盡在腦中﹗ 上一篇：獵櫻辛酸史（上）
