4月13日0100出發，4月17日2300回程，玩足118小時既獵櫻行程終告結束，真係去旅行去到盡﹗實在感激幸運之神再次眷顧，到臨走當天先開始落雨，下午雨勢越落越大，到達關西空港時什至橫風橫雨，航班亦因天氣關係而延誤，實在太倦，我都無睇實際起飛時間係幾點，但登機都已經係2330既事﹗ 話說原訂既登機時間係2230，但大家都似乎好掛住屋企，未夠2200，地勤都未準備，就有人開始排定隊等上機﹗當時連飛機踪影都未見架其實﹗後來過左原訂登機時間，地勤已通知話航班延誤，未有登機時間，但似乎大家都好鍾意又好想排隊咁，依然繼續企哂係度，一路等到2330左右先有得登機，真係唔講唔知原來大家都咁有排隊文化。 兩個大人去日本玩五日，但行履只得一個手提篋，個大篋只係帶泥幫朋友買手袋，真心覺得自己變態 天氣預報好準，下午時份已開始落雨。明知天氣轉差，就悠閒地係蟹道樂食個午餐，欣賞道頓堀既雨景 因為要幫朋友買手袋，提早到達關西空港，係候機室都感受到外邊風勢猛烈 本來登機時間係2230，但未夠2200，地勤都未CALL，大家就已經排哂隊等候上機，直到職員宣布航班延誤，未有登記時間，大家都依然繼續好有秩序咁排隊輪候，大家都歸心似箭 凌晨3點，終於都返到香港機場啦，真好，但我第二朝8點要出席一個好重要既喪禮，咁我到底仲訓唔訓好﹖返到屋企好似已經係4點幾既事，平時我會一入屋就清空行履箱，今次真係太倦，只能太致拎左今朝要用既野，掉左污糟衫落洗衣籃就算（其實姐係執哂，只係未放好﹗），感覺個頭閉上眼，個頭又要起身出門，但人出奇地清醒，跟故人的點滴都湧上心頭，一直到離開火葬場，個人先識倦，返到家就倒頭大睡，訓醒先記起要去書房望下尐花﹗ 每次外遊返家，書房裡既花都會好安靜咁用最燦爛既笑容迎接我地﹗ 差不多滿開了 新開的蘭花 回家的感覺真好﹗﹗
