今次關西獵櫻只住四晚，唔想搬來搬去，住宿只考慮大阪，搵左一輪，搵到一間係肥後橋站（四橋線）附近既airbnb。 雖然位置唔係大站，但個人覺得交通都算相當便捷，一出地鐵（7號出口）轉個街口就到，實際步程唔使5分鐘。如果要去御筋堂線既淀屋橋站，亦大概只10分鐘步程之內，若果用pass，什至可考慮搭到去大國町到對面月台轉御堂筋線，咁就唔使行咁遠。我地用Kansai Thru Pass，係關西空港搭南海電鐵到南海難波，然後換四橋線過肥後橋站，需時約一個半小時，不賴呀！如果要去梅田，搭多個站就到。 四橋線既肥後橋站7號出口，五分鐘內就到旅館 旅館樓下有咖啡店，雖然唔包早餐，但假如你朝早10點前係咖啡店買飲品，就有免費多士送，這邊的咖啡很香耶，先來個輕便早餐再出門，暢快呀！ 旅館位置便捷，不難找啊 旅館設有咖啡店，雖未有包早餐，但假如你到咖啡店買飲品，會送多士，還不錯啦 這裡的咖啡不錯的啊（利申，我係唔飲咖啡既，大叔話不錯） 買飲品送的多士 雖然旅館叫Hostel，實際係以Airbnb形式運作，故名思義，就是沒有執房服務。我嘛，反而樂得清靜，只怪我個人多疑，假如要讓管房每天來打掃房間，也都得事先把衣物放好，關上行履箱，這樣反而更累。 旅館根本係一個住宅單位，一梯三伙，有開放式既小廚房，雖然係日本應該唔會自己煮食，但即使唔用焗爐，微波爐有時係便利店買完野食都用得著。仲有雪櫃比酒店既大，買大枝裝飲品都唔使擔心。 旅館是一梯三伙 係日本雖然無咩機會會煮食，但有焗爐，微波爐，充滿家的感覺，雪櫃亦較大，唔似一般酒店咁放唔落大支裝飲品 設備齊全 設備齊全 日本既酒店出左名小巧，點解唔揀酒店而選擇airbnb都係哩個原因，價錢相宜又住宿寬敞。好闊落地放到兩張四呎床，仲個小客廳放左張梳化床，萬一4人入住，客廳間隔可關起圍板，變成獨立空間，不過假如多過兩個人就要另外收費。 房間比日本的一般酒店闊落 房間有個小偏廳，沙發可打開變雙人床，偏廳的間隔是可拉合的趟門，若四人入住仍能有私人空間 廁所同浴室基本設備都齊，係無牙膏牙刷姐，小浴缸有按摩功能，浴室有浴室寶，可暖房或乾衣，呀，樓下有洗手房架，雖然泥日本玩好少機會用得著，但萬一真係要洗衫，於係浴室開住乾燥功能，衣物好快就乾，平時係酒店你想人日日執房，大概都係想有人換新毛巾。你乾燥功能，就唔使日日換啦。皂液洗頭水都齊，電梯大堂有仲個shampoo bar，假如你想試新野，旅館有卅幾款唔同既沖涼，洗頭水同護髮素任你揀，你可每款拎泥試架。 如果你想試唔同既牌子，不妨拎返房試 除左無牙膏牙刷之外，其他應有盡有 浴室有浴室寶，浴缸更有按摩功能 呀，仲有個小露台 順帶一提，早前係街上無意中同一個香港人（真係路過傾計，完全唔識的）投訴airbnb麻煩，晚上7點後無前台服務，投訴什麼日本人不貼心，唉吔，日本出名以禮相待，點會唔貼心哩？！哩個做法唔係日本獨有，世界各地既小旅館都係咁運作架，佢地自己經營，實在無法提供24小時的前台服務，你所需的基本在房間裡也有，指示也很清晰，假如太晚到達的話，旅館必定會通知你怎樣自行取鎖匙的。但假如你真的不安心的話，那你還是找酒店比較好，每人需要不同，我們喜歡安靜不被打擾，才選擇住宅式旅館，這邊也的確需要較自律，水杯餐具用後清洗乾淨放好。假如旅遊想完全不幹活的話，還是酒店比較合適的啦！ 店員的自己簡介，年輕人真巿幹勁 如果想輕鬆在附近走走，可向旅館租借單車 這邊的小區有很多道地的食店，若不是要到出名的食店打卡，大可輕鬆的感受一下道地的小店啊！ 延伸閱讀：賞櫻準備中
