到底點先係一個快樂童年﹖ 同往年不一樣，今年既清明節係4月4而唔係4月5，於是大家都得到一天假期。原來我對節日既敏感度真係好低，除左因為假期而知道係清明節，我完全忘記左，原來4月4應該係兒童節﹗ 哈，仲有幾多人會慶祝兒童節﹖無睇電視，唔肯定電視有無提，但電台就唔多覺﹗ 星期日行完流水響，本來有諗過趕周中既假期再去行一次享受陽光，但既然係難得既假期，點都要陪下屋企人，唯有一早就出去搵位飲茶﹗小時候家貧，去茶樓飲茶既機會唔多，不過好似有少少印象，如果撞啱兒童節又有得去茶樓，酒樓點都會有一兩樣靚靚既甜品氹小朋友，插住紙遮仔既啫喱杯，又或可愛既兔仔棉花糖之類，其實印象唔深，但依家好似唔多覺﹗ 不過尋日去茶樓既時候見到個有趣既畫面﹗話說隔離檯有一家三口，爸爸媽媽同埋一個大約十歲既仔﹗表面睇個小朋友除左較肥之外，我睇唔到有咩特別問﹗點解我會八掛留意哩枱茶客哩，最初只係個對夫婦坐低先，開茶洗杯一般茶客會做既野，但奇怪既係，個媽媽洗杯時準備左較剪，於是引起左我既好奇怪，把較剪要泥做咩﹗ 後來，個個大約十歲既細路仔就自己行入泥﹗拿，到哩度我都依然堅信個小朋友係一般小朋友呀下，佢識自己去茶樓搵父母，我絕對有理由相信佢係智能同能力都正常﹗ 跟住就係一連串我覺得唔正常既野﹗個細路坐低，食左一排朱古力，飲左一枝乳酸飲品，然後再食左充滿忌廉既布甸﹗ERR~~~~你唔係泥飲茶既咩細路，你食哩堆野查實係咪唔諗住食野架啦﹗之但係，咁個把較剪係要泥做咩既哩﹖我越睇就越好奇，於是就一邊夾菜一邊係咁望住隔離檯﹗ 父母比較年長，我估係老來得子個種，個仔食完左上述個堆野，我見到枱面仲有一桶迷你豆腐花等緊佢﹗注意啊，佢地係啱啱坐低架咋，我睇住佢地入坐既﹗但一泥到就點左布甸同豆腐花﹗咁姐係到底把較剪要泥做咩既哩﹖後尾父母有叫到一碟炒飯的東東，亦有叫左燒味，迷底解開啦，餸菜泥到，媽媽二話不說就用較剪剪到尐野食好細粒，真心細粒架，我見佢連個炒飯都仲要用較剪不停剪架，然後。。。企圖去餵個個十歲，一邊係度睇平板電腦，一邊係度食緊佢既豆腐花既仔，阿肥仔梗係無理佢媽媽啦，不停用手推開企圖餵食既手，然後邊睇平板又邊做射擊手勢，爸爸完全無半點想干預既動作﹗ 我差尐忍唔住叫住"嘩"出泥，我唔想猜度點解個情境係咁，或者背後有特別原因，我真係只純粹覺得好奇﹗﹗ 我唔係全職既教育工作者，亦無作過什麼研究觀察，唔敢評論哩種情況，到底只係個別事件﹖定比比皆是﹖到底依家既小朋友係幸福左﹖定係不幸左﹖ 兒童節的兒童，都快樂嗎﹖﹗
