係利馬留左兩晚，終於都係時候離開啦﹗我地當晚夜機走，姐係仲有一日時間玩﹗﹗

團友無興趣去舊城區玩（好彩我地之前一日自己去左），於是繼續係MIRAFLORES遊走，文青團友話想去飲咖啡，於是上網搵左間據聞係MIRAFLORES出名既咖啡店 - ARABICA ESPRESSO BAR。

文青朋友話要試下秘魯咖啡

對MIRAFLORES既治安充滿信心，五個人決定一齊去探索下哩個社區

由住宿MIRAFLORES LEXUS APARTMENT出發行去ARBRICA EXPRESSO BAR大概要二十分鐘，社區環境實在太舒服太安心，大家都唔記得左自己係遊客，五個人邊行邊傾，居然無人有影過相﹗四周都係高尚住宅小區，有瑜伽中心，有玩音樂既地方，連目的地ARBRICA EXPRESSO BAR都相當型格，只記得一推門就聞到好香既咖啡味，可惜我唔飲得，只有看同聞的份兒，團友都讚不絕口，文青朋友仲買左兩包咖啡粉返香港當手信﹗我都打算叫準備去既朋友幫我買，嘻嘻﹗﹗

五個人漫無目的咁係附近的橫街小巷遊走，唔覺唔覺就行左去一個叫HUACA PUCLLANA既古蹟，入場費每人12SOL。因為利馬係尾站，哩個遺址對我地泥講平平無奇，假如翻過來玩由利馬出發，哩樹可能會讓遊客嘖嘖稱奇，被四周高樓大廈包圍著一個印加古建築物，而且係當時既民居，都有值得觀賞既部份，而且佢有導賞，有時間不妨過泥玩下﹗﹗

MIRAFLORES其中一個遊客會到訪既景點

係MIRAFLORES區內的景點

唔覺唔覺玩左一朝，又熱又倦，搵左間道地既餐廳餐肚，話，真係估佢唔到，間餐廳格局其實有點殘舊，似香港既茶餐廳，成個行程，居然泥到尾站先搵到湯飲（係CUSCO SAN PEDRO市場個個唔算），個湯其實有點似屋企自己煲既蕃茄薯仔湯，加左點藜麥，簡單飽肚，好有媽媽的味道（我媽媽當然唔會煮哩尐，意思係好似去左秘魯家庭開飯既感覺）。

媽媽的味道

媽媽的味道

媽媽的味道

雞脾飯同薯仔湯，哈哈，好低能，令五個人好滿足大啖大啖咁放入口既，唔係什麼FINE DINING而係哩尐咁簡單既屋企飯，睇泥，大家都想家了，正好作收拾心情回港的準備﹗﹗回程先到海邊的AMOR DEL PARQUE同LARCOMAR行多陣先返AIRBNB﹗

咁樣一來一回，差不多用腳行哂成個MIRAFLORES區，團友話成身臭汗，路過NIKE SHOP買左幾件衫，明明係想買野，關咩出汗時喎﹗

南美街頭的流動兌換小販

朋友行行下話要入NIKE SHOP買野

可以綉字啊

一路行返去海邊，除左尋日去過既LARCOMAR商場，附近仲有一個景點，就係AMOR DEL PARQUE - 情人公園﹗

係遊客中心會見到有推介情人公園既資料

臨海的情人公園

情人公園的雕像

去過西班牙的朋友會唔會覺得有點似曾相識

完全係西班牙的味道

情人公園

其實MIRAFLORES感覺真係好舒服，完全唔係之前十幾日路上見到既狀況，一個大城市，一個渡假既地方﹗

居然係秘魯見到佢喎

哩舊野其實叫INTIHUATANA，係馬丘比丘或其他印加古蹟都會見到佢

INTIHUATANA係印加族人要泥計算時間同日子既"儀器"

係LARCOMAR附近原來有單車租架

如果早一日發現就好啦

MIRAFLORES真係唔會發現自己身在南美

沿住海邊踩單車該是件賞心樂事

去到LARCOMAR，大家買左個雪糕去商場邊欣賞太平洋既景色

好靚女既老闆娘

終於都要回程了

係情人公園行返過去LARCOMAR仲發現有單車租添，可惜發現得太遲，我地差不多要準備出發去機場，只能夠陪團友係LARCOMAR四圍行左陣，食左個雪糕就要返AIRBNB拎行履出發到機場﹗﹗

上一篇：遊走秘魯利馬（五）
相關閱讀：南美之旅（LIMA住宿篇）

成功發佈