八號風球，由細到大會聯想到餐蛋麪及額外一天假期。今天，當我要住院渡過這個風球，真的百般滋味在心頭。在家千日好，住院是我極度抗拒的。除了有住院陰影（之前住院兩個月和醫院餐恐懼症），最重要係唔想麻煩家人來回醫院送湯，心理因素罷。再者，選擇食物方面有限制（如果按照醫院營養師建議嗰張list，實在難難難…… 之後再分享吧！）留守醫院可以話食冇啖好食。醫生建議病者吃新鮮即煮食物，所有預制或返熱食物盡量避免，容易變壞或容易有菌的食材也要避免。扣扣埋埋，真係冇咩好食。橫風橫雨下，屋企嘅被窩是最溫暖的。幸好醫院的姑娘及清潔姐姐都好好人，親切又和藹，叫做平衡一下心理吧！
