出站後回望名鉄犬山站 10:00am 在犬山站西面出口，一直向大街方向前行。 冷清的街道 10:20am 行了20分鐘見到個告示牌，於是跟著向右轉入本町通內的犬山城町(商店街)。 本町通是犬山城腳下的一條大道，兩旁保留了好多江戶時代風格的日式小木屋，木屋多是食店，不過太早又唔係假日，所以大部份未開門，所以特別冷清。 有單車散步之旅，可惜十月我都離開了日本。 等到中午我行完犬山城再過黎本町通睇下有無部份食店開門先。 有張海報印有我今日想去的地方：犬山城和看鵜鳥捉魚的節目。其實點解會去犬山這個地方，係因為早前看過電視台一個旅遊節目介紹鵜鳥捉魚的表演。而海報亦可見到犬山市的吉祥物「わん丸」君，一隻江戶時代打扮的狗仔。 日本好多地方都有不同的祭祀，非常熱鬧。
