第五日開始就唔需要咁早起身，因為所去的景點都在名古屋近郊地方。而今天坐名鉄到犬山主要睇犬山城町及明治村。另外入夜希望到附近木曾川睇鵜鳥在河上捉魚的表演。 8:00am 起身梳洗完出去搵早餐食 8:15am 在東橫Inn酒店附近街口一間咖啡廳(營業時間7:00-22:00)食了個400yen早餐，包一杯飲品及有隻水煮蛋及吐司。今日行程唔趕，可以輕鬆咁食。等繁忙的上班時間過後才出發。 8:40am 離開咖啡廳行去名鉄站，途中經過JR站。 8:50am 在名古屋名鉄站用600yen買了張普通票到犬山遊園站（若果到犬山站就只需550yen)，好似急行及準急等红色列車唔駛加錢，因為見中途有乘客由普通車轉急行及準急列車。特急系列就要加錢。不過我都唔覺得快好多，因為路程短，坐普通列車半個鐘就到犬山站，若果坐特急約二十分鐘就到。(我所坐的普通列車尾站只去到犬山站，如果我無攪錯，坐到犬山遊園站就可能要在犬山站轉車)。另外名鉄有來回套票包埋犬山城入場劵，我就無買。 名鉄犬山線 http://www.meitetsu.co.jp/train/station_info/line11/index.html 天色唔多好，多雲。 到了犬山站 前往犬山城有兩條路徑，可以選擇在「犬山站」或「犬山遊園站」下車。由犬山遊園站行去犬山城會比較近，沿木曾川行，需時15-20分鐘。我就臨時改變主意選擇前者，由犬山站經本町通行去犬山城。 犬山 http://ml.inuyama.gr.jp/zh-hant/ 一出閘就見到一幅牌，西面出口去犬山城，東面去明治村及猴子公園。 車站有觀光案內所
