6:00am 起身迎接在聖彼得堡的第一天 跟著去酒店餐廳食早餐，地方真係好大, 一早餐廳已經擠滿人，食物一般。 7:00am 食完早餐後就圍著酒店晨運行個圈，Park Inn Hotel落成於1978年，有千二個房間，真好似迷宮一樣。酒店外其實自成一角，無繁華的街道和商店，鄰近只是住宅區。一行到出面，外面溫度只有14度，因為面對波羅的海，陣陣海風吹埋黎都幾凍。 酒店有買手信的小商店 點擊圖片放大 電單車黨 酒店附近冷清的小遊樂場及商店 遠處空地對開有一隻大郵輪停泊 9:00am 由Park Inn Hotel出發，以交通便利性黎講係最偏遠的飯店，每次出門都要繞行一大段路程。首先會去聖彼得堡西區的景點：聖彼得大帝像及聖埃撒教堂，然後會到中央區的基督滴血教堂，最後往聖彼得堡南面的嘉芺蓮夏宮參觀。
