今年係調去新部門工作的第一個聖誕節，一行廿幾人由灣仔office行了15分鐘到金鐘太古廣場，再坐電梯上到去香港公園附近的香格里拉酒店食lunch buffet，真開心．依個地方我都只係同朋友來過一次食dinner buffet． Lunch buffet有中式點心好似蝦蛟，燒買，小籠包，乳豬．凍蝦和大頭蝦都有，不過大頭蝦無細蝦仔咁有蝦既鮮味． 跟著就去試下天婦羅炸蝦和炸多春魚，另外又食三文魚，不過無希靈魚． 三文魚都幾肥美 另外要試下鐵板煎三文魚 有烤雞食 咁多人排隊，相信燉湯的味道一定唔錯．可惜火口唔夠，時間不足，湯未夠濃，亦未能吸收配料的香味，太淡味了． Buffet到了尾聲，就是甜品和雪糕時間． 細細的梳乎里和pancake 在酒店抽完獎，然後返寫字樓取禮物，如果頭獎就好，有五百大元，我就只抽中盒聖誕餅..haha.
