澳洲都有好多鳥類 Emu是澳洲最大的原生鳥類，體型僅次於非洲的舵鳥，牠是平原和樹林中最強悍的鳥類．牠身高有2公呎，重60公斤，跑得都幾快，可達時速50公里，現有20-100萬多隻．依張相比起番禺動物園既相較差，因為佢成日都郁來郁去． 自袋狼於1936年滅絕後，袋獾 (Tasmanian Devil - 塔斯曼尼亞惡魔) 就成為島上最大的肉食性袋類動物．牠體型很小，似小狗一樣大，但非常強悍又會發出尖叫，以腐肉為主要食糧．澳洲本土原有袋獾的蹤跡，不過自歐洲人移民往澳洲本土後，就只有塔斯曼尼亞才找到牠． 一去到就見到四隻袋獾，其中兩隻還展開一場不分勝負的拔河賽．我靜靜地看左十幾分鐘，街頭拉到街尾都係彊持狀態，原來肚餓時，一塊肉都會好好味． 對耳仔原來是偏紅色，怪唔之得爭到面紅耳赤 看完袋獾就走到滿佈雜草及袋鼠便便的地雷陣認識一下袋鼠．不過要慢慢接近牠，否則佢受驚嚇就會跑走．袋鼠 (Kangaroo) 可算是澳洲最多數目的動物，連澳航標誌都用牠．袋鼠家族很大，有紅袋鼠，灰袋鼠和沙袋鼠 (Wallaby) 等．而當時歐洲人初到澳洲時都覺得此動物非常奇怪，可以用後肢站立又可以似青蛙咁跳來跳去，最高時速可達70公里．它的壽命有4-6年，多屬於草食動物． 袋鼠對著我地幾個不速之客投以注目禮，準備逃亡?
