星期二(20/11)去了越南玩了五日，今個星期六就返到香港，旅行開心既時間真係好快就過去．依幾日既旅程都天朗氣清，又有陽光．只係第四日去陸龍灣坐舢舨就天陰陰，仲擔心途中有雨落，好彩都無．我五年前去過既南越(即胡志明市)都係睇下古蹟好似越戰時期的古芝地道等．今次旅程亦有不少近代古蹟，因為首都河內好多現有的軍政機關都設在以前法國統治越南時期的舊建築物，另外有去胡志明陵墓，同在第五日上午既時候，自己去了陸軍博物館參觀一下．不過北越既地方同南越胡志明市唔同既係有好多自然風景，今次旅程最主要就是下龍灣，在水上有突出來的千幾二千個島，全部在幾百萬年前都是在海底，就因為地殼運動以升上水面形成特別既地貌，被列入世界自然遺產．另外又有去陸龍灣，雖然景觀無下龍灣咁美，不過都好過去長江既景色(個人意見)．食既方面一定會品嚐到越南河粉，庶蝦和各式各樣既春卷． 好消息係上一年六月時候去巴爾幹既相已經寫完，現在才有時間開始寫越南之旅，希望遲些少再出今年四月去緬甸，及五月去泰國和俄羅斯的blog....^^ 越南河粉加地道越南啤酒做宵夜 第三日在下龍灣遊了一整天，而在下龍灣住了兩晚． 下龍灣的天使島 陸軍博物館 越南好多年都無變，就是電單車多．不過最考起就係過馬路，有時我企成五分鐘才慢慢過得到去． 法式建築
