早上六點半到酒店餐廳食早餐，七點到八點就是我出外例行晨運的時間． 酒店大堂有茶水供應 原本想到酒店鈄對面的超級市場買一兩樽礦泉水，不過市場要到八九點才開門． 圍著酒店附近行下，跟著朝酒店後面的教堂行去． 點擊圖片放大 過了教堂附近的馬路就見到有個輕鐵站 原本都想試搭當地既輕鐵，不過睇了咁複雜既地圖和資料，就好似右下角一對猫頭鷹一樣，眼光光，因為內容全部都是德文，所以都係唔冒險去坐． 點擊圖片放大 輕鐵站隔離有接駁巴士站，幾方便． 時間都唔早，所以就經過原先的教堂折返酒店． 路經一些小店舖 又見到廚具用品，一個煲都唔平，都要200歐羅一個． 有屋企的小擺設買 亦都有陶瓷公仔買，咁早所有店舖都未開門 如果花得起錢，可以買間屋住，左面間屋就15萬5仟歐羅，右面就平少少，14萬2仟9佰歐羅一間，即係大約160萬港紙就有一間house，平過香港好多好多． 點擊圖片放大 八點返到酒店，下集將會到卡塞爾遊客必到的景點－威廉高地公園遊覽．
