該日六點半就起床，食完早餐又開始晨運節目， 第二日試過坐單軌電車到國際通遊車河，今次就試下反方向睇下有乜地方行下． 要用放大鏡才看得到的車票...^^ 今次往機場方向的電車相比上次晨早去國際通方向的電車，車內唔算太擠迫． 總計由住了兩日的Washington酒店行到旭橋站再坐電車到奧武山公園只不過半個鐘 在奧武山公園站望下去是棒球場 今次的晨運路線：由地圖下方的奧武山公園站，沿河邊的晨運徑漫步經過明治橋到對岸的壺川站，再坐單軌電車返酒店附近的旭橋站．都係相隔一個電車站，相信半個鐘可以行得到． 公園內的運動設施除棒球場外，還有武道館及網球場等．其實公園無乜特別，都係自在吸收下新鮮空氣，人都精神D．
