05:00pm 來到位於旭橋的那霸巴士總站，往系滿的89號巴士是在13號站頭等車，若果到系滿總站車費就要560yen，總比坐的士返系滿的3000-4000yen平得多． 點擊圖片放大 +4 05:25pm 在巴士總站上車只有我一個人，上巴士後在司機位旁會的票務機會彈出一張整理劵說明你是在第幾個站上車（我係第一個站上車，所以係1）．雖然細細張，不過唔好扔走，因為落車時要比司機睇，然後才付款，因為巴士係分段收費． 在那霸市區內的站都是劃一220yen，不過一出市區就會隨著站數增加而提升車費．當到最後的系滿巴士總站時，車頭的顯示屏會列出第一個站上車需要給560yen車費． 五點幾我仲以為放工時間會好擠逼，不過最多都係十幾人坐巴士．因為巴士唔係行走收費國道（高速公路），雖然要一個鐘才會到系滿巴士總站，不過可以遊下車河． 06:30pm 經過一個鐘的車程就到了系滿總站落車，如果換轉係三點幾，仲可以轉坐83號巴士去平和祈念公園遊覽，可惜時間唔許可．事實上到了前兩三個站的系滿市西崎入口就已經可以轉的士返入酒店，不過見時間尚早，所以坐到系滿巴士總站才落車看看有無大型商場或者食店，結果隔鄰只有一間駕駛學校．所以就在黑夜中回頭行番去西崎入口，同路仲有一個坐在我前面訓到不醒人事唔記得落車的學生哥．我見司機一埋站，得我落車後就鎖門，於是我就叫司機開番門叫個學生哥落車，唔係學生哥就被困車廂．
