出Trip 真係咁正? 每次當我同朋友講我下星期岀Trip, 佢地總會話"咁爽"、"又飛啦，今次又去邊呀?"、"曬命啦你" 、"喂，記得買手信喎"... 但其實真係唔係曬命... 雖然岀Trip唔係無可取既地方，但為左令大家唔好咁多幻想，我決定要先分享成日岀Trip既慘事 早機 岀親Trip十居其九都係早機，去旅行就話去到盡姐，岀Trip咁早就係chur到爆，有時一諗係落機就要見客開會，真係想係飛機到補眠都補唔到 被同事誤會 岀Trip難免要去同老闆應酬飲飲食食，有啲唔識do既同事就硬係鐘意擺啲食物相、大合照post上Facebook 或者send 去公司群組，到時番到香港，就實會有人誤會岀trip既同事去嘆世界，背後做野辛苦既時候就無人知 怕鬼/怕坐飛機 好多公司都會係岀trip既時候安排一個人一個房 (我有聽過有公司要求同事孖房，不過係少數)，如果你咁唔好彩怕鬼，有時候夜晚晚得自己一個係酒店房都咪話驚，仲要撞岩農曆7月...... 不過鬼神既野信則有不信則無，但如果你本身係怕坐飛機，突然要你岀trip都幾慘，我身邊有同事仲試過去到機場先話因為飛行恐懼症上唔到機，一邊被公司詐型，一邊自己又要驚餐飽 出Trip唔駛做? 除非你本身既工作就係岀Trip，否則岀Trip幾日既時間，其實本身要做既工作係唔會停落黎，每晚番到酒店就算幾攰都要覆番當日既email，去之前番黎之後又要趕deadline，有得揀就真係寧願留番係香港好過... 分享完慘事，咁都要講下岀Trip好野既，下次就同大家分享一下成日岀trip究竟有乜著數 Facebook 專頁: https://www.facebook.com/officecrab/
