以前去日本旅行必定會食鐵板燒,但依家冇得去旅行,盡量搵多些香港的日本鐵板燒懷緬一下啦!上個星期同老公去了『三日月』食鐵板燒,環境雅緻,坐得舒服,落地大玻璃窗更把室外的光線帶進來,自然舒坦。 Order左一份「A5宮崎和牛鮑魚一人前鐵板餐」: 前菜三小點(海膽天婦羅、茄子漬物、芥辣八爪魚配青瓜)用紫菜包著海膽再去炸,鬆脆又鮮甜的口感,另外涼拌茄子條凍食香甜。 日本的時令生蠔🦪,肉質爽脆鮮甜,配醬汁食更突顯蠔味的層次。 刺身三點(牡丹蝦、深海池魚、吞拿魚、海膽),擺盤很精緻,刺身肉質光澤新鮮。 香辣大蝦沙律,大蝦香辣,拼香醋汁沙律,酸辣惹味,好適合做醒胃小菜。 鐵板燒鮮活南非鮑魚,南非鮑魚向來個頭大,品質高,平時食蒸煮比較多,原來以鐵板燒一樣好吃,同時不減退鮑魚的鮮味。 茶碗蒸及味噌湯,茶碗裏好多材料,雞蛋滑嘟嘟,蛋味濃郁。 鐵板燒日本蔬菜,有南瓜、蘆筍、冬菇、蓮藕。 燒帝王虎蝦,大蝦虎蝦,啖啖肉,鮮甜彈牙。 燒A5宮崎和牛西冷,order 左7成熟,外脆內軟,有入口即融的口感,配上碟邊的炸蒜片、海鹽、胡椒食更好食。 鐵板櫻花蝦炒飯,去到尾聲其實有些飽,但呢個炒飯加入左櫻花蝦真係好香,更可以加入茶湯去食另一個食法,點都要食埋佢。 水蜜桃雪葩,香甜水蜜桃,及冰涼融化的口感,同時有解膩作用。 坐在吧枱,近距離親嘗師傅的廚藝,又可以同師傅交流一下,係個幾愉快嘅體驗,但記得提早book枱啊! 三日月地址:尖沙咀金馬倫道23號金馬倫廣場2樓B號舖