去北歐熱門城市想坐直航，選擇唔多，只係得北歐航空 (SAS) 同芬蘭航空 (Finnair)。呢兩間以北歐為基地嘅航空公司所有野都好相似，連價錢都差唔遠，真係唔知㨂邊間好。一於等我地嚟個大比拼，從唔同方面比較吓呢兩間航空公司。第一個回合，梗係鬥北歐最耍家嘅設計啦！ 鬥空姐制服 咁啱得咁橋呢兩間航空公司都用藍色做佢哋品牌顏色，而空中服務員嘅制服亦都用上唔同深淺嘅藍色。 芬蘭航空曾經被法國Voyage時裝雜誌評為全球第五位最時尚的制服。深藍色配上白色嘅制服，線條同設計都乾淨利落，尤其鍾意藍白色的鞋，統一得嚟又有時尚感。手袖嘅條子亦好似機師制服咁代表空姐們的職級。 點擊圖片放大 Finnair 嘅制服絕對唔差，可惜對手太強。SAS為咗慶祝今年成立70週年，品牌進行大革新，於設計上加入了不少新元素。空中服務員的制服方面玩「藍撞藍」，同時沿用北歐充滿時尚感嘅設計。單睇件針織斗縫已經贏咗一條街。 點擊圖片放大 2. 鬥機艙設計 Finnair 淺灰色座位，我個人覺得非常Modern，最特別係機艙嘅燈係根據北極光設計，會有啲藍藍綠綠嘅燈光，非常獨特。 點擊圖片放大 SAS 照樣以全新設計迎戰，極簡設計同線條，完全無得輸。我個人最鍾意灰色、藍色再配上淺色木嘅配搭，好北歐啊。 點擊圖片放大 +2 3. 鬥飛機餐同機上用品嘅設計 Finnair V.S. SAS 齋睇食物包裝，各有各特色。Finnair 嘅Marimekko杯好搶眼，但SAS個黑色食物盒又好有型喎。 Finnair V.S. SAS 講到個人護理套裝，兩個都係Business class先會提供，但Finnair 嘅Marimekko 套裝實在太吸引啦掛，入到機艙見到啲花花被，真係會連個人都開心哂。 講到尾兩間都係鬥到難分難解，等我有錢坐過哂兩間，再同大家分析過邊間嘅設計好啲。下一回會再同大家鬥價錢鬥航點，記住密切留意啦。 資料來源：fightchic、selfgrowth、Finnair、SASGroup 相片來源： Finnair、SASGroup、Pinterest 【nordicholic】www.nordicholic.com 結集北歐旅遊文化資訊 學習北歐人的慢活、知足、崇尚自然的生活態度 #nordicholic https://www.facebook.com/nordicholic/
