Mexico City Day 1 黎左墨西哥快要一個月，終於有時間可以周圍去。第一站：首選首都墨西哥城！ 出發前半個月已經找左host，佢地全部都好friendly咁invite我。 尼個host仲要在出發前2個幾星期已經不斷text me，了解我地的需要。 因為我是第一次試Couchsurfing，都幾怕佢會放我飛機。好彩無事。It's a good start ~~ 一早host就黎機場接我地，帶我地坐metro去佢屋企。期間，佢教我地充值類似百達通的野，又教我地點坐地鐵。雖然墨城的metro system唔錯，但我都係鍾意香港地鐵多啲。可能因為我地咩都唔識，見住佢當我地小朋友咁教都幾得意。 途中仲介紹左首都特色的tacos de canasta。 雖然我覺得好難食，但至少都叫墨西哥特色小食。作為遊客，最重要的緊係要「試」，試完唔鍾意，以後米唔食囉。 在host屋企settle down之後，終於出發啦。 第一站：Zocalo 佢係整個墨城的中心，有着悠久的歷史和很多古建築，亦有很多知名的國際品牌。 首先見到的是Palacio de Bellas Artes。 這是一座theatre，除了有美麗的圓頂，更有2幅好大好靚的壁畫。 沿路走入市中心，見到很多歐陸風情的建築，可能這就是殖民時期的影響吧？ 走着走着，我們發現了一間賣傳統糖品的店。 點擊圖片放大 墨西哥的糖品全都好甜，感覺食緊砂糖。 終於走到最有名的Catedral Metropolitana。 當初西班牙人入侵墨西哥，破壞了本土的文化，把自己的文化植入墨西哥，其中最明顯的就是宗教。現在近九成的墨西哥人都是天主教徒。我們星期五去的時候，也有些信徒在入面祈禱。 點擊圖片放大 +2 教堂前地就是Palacio Nacional和Plaza de la Constitucion。5點多的時候我們見到下旗，都幾好彩。 在Catedral Metropolitana旁邊就是Templo Mayor，相傳西班牙人到達墨西哥時，第一件事就是把原本的宗教毀掉，可能是因為他們相信「除了上帝以外，再沒有其他的真神」吧？所以現在我們只可以見到Mayor神廟的遺址。不過就算這樣，我們也能從遺址看到神廟的宏偉。 點擊圖片放大 去完主要的歷史遺跡後，我們沿住大路在市中心周圍逛。被我們發現到間好好味的雪糕店－Santa Clara。單球由MX $35-55不等 (約HK $18-28)，我試左premium coffee，非常好味！ 入夜後，氣温驟降，又怕夜晚不安全，所以7點多就準備回家了。可惜，我們朝早在host屋企離開，夜晚反去嘅時候竟然找唔反佢屋企係邊⋯行左勁多冤枉路，終於比我地發現「它」在燈火欄柵處，姐係我地對面條馬路=_=||||
