其實宜家在香港申請US VISA已經唔似以前咁難啦。首先你要睇清楚簽証類別，通常去旅行都係簡B2，如果你擔心遲啲會去美國工幹可以簡B1/B2，同時擁有B1和B2的feature。但如果係簡B1/B2，領事館會當你有意移民，所以你要show比佢睇你係會回香港嘅。不過我個時簡B1/B2都無事，可能好運。 諗清楚你要咩簽証之後，你要去填份form叫DS-160 (https://ceac.state.gov/genniv/)。填好哂所有野以後，佢會叫你upload張岩size的相，記得要白底哦！尼張相只要soft copy，唔洗比張hard copy佢嘅，所以想慳錢的朋友就找白牆，在前面影完，再在網上面crop反個size出黎。 當你KO左份DS-160，你就要去反香港的website (http://www.ustraveldocs.com/hk_zh/hk-niv-visaapply.asp)。簡右手邊的登入，再一次create account，跟住又會有多一份好似application form嘅野要你填。填完之後，佢就會叫你比錢預約。print張單出黎，去7-11交錢（7仔只收現金，我的cash dollar >_<）。 領事館以5點做cutoff，如果你在5點前交錢，你就可以在同一日11pm後預約面試；如果在5點後交錢，就要在2個工作天後先可以預約。預約前，佢會send封email話你聽你可以預約了，所以交完錢未能立刻預約的人都唔洗咁擔心住，比啲時間人做野ma。 預約的時候你要provide你嘅收據數碼(16個字)，跟住就會比你簡時間。我覺得可以簡的time slot唔係好多，大部分都係朝早。由於擔心自己會唔知醒起身＋化妝會用好耐時間，所以最後都係簡下午安全啲。不過下晝就只有2點尼個選擇。 之後你要做嘅就係帶齊嘢去interview。有5樣野一定要帶嘅。 Appointment letter （入去領事館前在門口check嘅） 7-11收據 （在查袋的時候check，跟住就唔用） Confirmation letter（好重要，全程都要，最後會被收走） Passport（好重要，全程都要，成功申請到嘅話會被收走） HK ID card（登記的時候和印指毛時用） Company letter（如有，如果出黎做野，去美國旅行最好有封野比佢，但因為我去exchange，所以我比佢睇下封學校acceptance letter就可以了） ＊＊有人話要帶銀行證明，但係面試官無問過我拎，可能係因為我仲係學生，但我覺得帶埋無死嘅＊＊ 面試其間，移民官主要問我點解要去美國＋去美國做咩。我就同佢講因為我去墨西哥exchange，要在美國轉機＋有時間會去美國旅行找下朋友，跟住佢就批我啦。但係佢都有問我幾時畢業，乖乖咁答佢就無問題啦。當你成功申請，佢會收走你本passport，整好個visa之後，就會寄反比你。 在interview之後，大概2日後就收反本passport，咁就批左10年。所以大家都唔洗唔擔心，宜家申請US Visa已經無以前咁難啦～ Remarks： 入去面試前，佢會要求你拎哂所有電子產品，包括：電話、電腦、Tabloid，亦不能帶水和食物入去面試，所以最好盡量輕便咁去面試。最後，提大家記得一定要預約先去面試，我去面試個日見到有人無預約而無得in。做好最佳預備，成功都易啲啦～！
