[Life isn't about waiting for the storm to pass. It's about learning to dance in the rain.] 落雨, 唔代表一定就唔適合go out嘅。有d 行程揀雨天去甚至仲適合, 仲有feel ! 而且咁講啦, 雨就睇怕落足成個禮拜, 唔通成個禮拜留喺屋企? 得閒如我都市閒人, 都悶死啦。都係揀對岩嘅鞋, 揀把好嘅遮, 跟我個plan 出發啦。(係呀plan 嚟, 未發生架) 如果你係好似我咁得閒的話, 先先行吓石硤尾邨。作為全香港首個公共屋邨, 石硤尾邨經歴過改建重建改建重建, 現今住緊人嘅樓宇入面, 既有2012年嘅新樓,又有70年代嘅舊樓, 好怪相下 (好聽d:係個新舊元素共存嘅屋邨)。 石硤尾邨個街市同南昌街、巴域街個邊(下石硤尾邨,近深水埗個邊)有d老店, 仲有鐡皮屋大排檔, 值得睇吓, 唔睇可能不久嘅將來會唔見。 主菜: 撐傘 (?) 我唔係玩野, 我係講緊去JCCAC個《雨傘節》, 所以落雨去係咪仲應景呢！ 呢個有關雨傘運動嘅展覽做到5月31號, 有唔同項目(包括視覺藝術、錄像、獨立電影、舞蹈、行為藝術、戲劇，以及一系列的工作坊和研討會), 電影同表演呢d 只喺指定日子同時間有, 詳情睇呢度: http://www.jccac.org.hk/?a=group&id=c_1&doc_id=5012 我呢, 就俾《警犬自白》個名吸引咗, 睇睇, 原來係陳嘉銘博士做嘅棟篤笑! (其實佢係幾多作品但我無聽過佢sorry) 內容見下圖啦, 幾吸引喎係, $80一位, 門票收益將會撥捐非牟利獸醫服務協會, 呢吓都抽到水。要支持吓啦。喺呢度book 飛:http://www.ticketflap.com/zh/events/518/ 有興趣要快手喇,做兩場, 已經有一場full 咗lu. 登山 (?) 然後，JACCAC行落dd就係美荷樓鳥, 唔洗問, 上嘉頓山。(係, 我係skip 咗參觀美荷樓, 我個人嚟講對佢無乜性趣) 沿美荷樓旁邊一條擺明上山嘅石階一路上, 正常20 分鐘都唔洗就登頂。(唔洗覺得好威, 個所謂山頂短到乜咁...) 不過認真講，呢座山丘仔真係望到好遠吓, 最近有嘅石硤尾深水埗, 油尖旺景, 遠至昂船洲大橋最清楚, 甚至青衣同香港島小部分。我一向只要經過深水埗就會唔理天氣好唔好都必須要上嚟, 佢就算天氣唔好嘅日子都一樣好好view。落雨, 又有咩好怕? 擔住遮行囉, 條上山路係勁工整嘅水泥樓階, 雨天行都無難度。 上到去好開揚, 睇吓雨景, hea 下都係舒服嘅。又可以影吓相跟手post 張相喺ig 貫徹文青風格, caption都諗好喇: Life isn't about waiting for the storm to pass. It's about learning to dance in the rain. 係呢度可以去到石硤尾配水庫, 不過落雨踩草地太戇居, 都係沿路落返去美荷樓好。 然後? 落深水埗, 行黃金又好, 食野又好, 係咪要我教埋呀 :-|
