呢排聽得最多人講嘅說話：「好想去旅行！」我心諗我唔想咩！想又點？! OMG！我真係好掛住日本，留港都要做偽櫻花妹，拎返之前係日本藥妝店買嘅嘢出嚟，懷念吓！其實去日本真係好多嘢買，尤其鍾意行藥妝店，鍾意日本嘅卡通人物，仲會有好多crossover嘅嘢買。不止一次俾人話我唔似鍾意Kitty，我唔明(,,Ծ‸Ծ,, ) ，難道生得個樣唔可愛就唔可以鍾意可愛嘅嘢？！雖然身為Hello Kitty嘅粉絲都覺得，如果要買晒佢所出嘅嘢，應該會破產！但去日本真係會忍唔住買，真係好多得意又可愛嘅不同類型產品，睇返都覺得好得意QvQ 我懷疑今次我會不停咁講Kitty好得意，樣樣都講好得意，無其他詞比得意更適合！！ Kanebo Suisai酵素洗顏粉之出名，都唔使介紹，但同SANRIO聯乘就要介紹吓！粒粒都有卡通人物樣，8粒有Kitty樣，得意到唔捨得用haha NONKUMA遠紅外線發熱眼膜貼，滿滿Kitty樣係眼膜上，仲要有遠紅外線發熱，黑眼圈都對付到，最緊要係包裝有Kitty親身體驗並介紹點用，化身美妝KOL嘅Kitty好得意呀！ STEAMCREAM「蒸汽乳霜」限量版，Kitty樣好得意，Cream好好用，我濕疹用都無問題，仲改善咗，誠意推介俾有濕疹嘅朋友！因為Kitty，棉花棒都要買hahaha 但真係好得意，連棒上面圖案都係Kitty樣！最近見香港有啲藥房都有得賣！ 呢個定妝噴霧，全日文睇咗勁耐都唔知咩牌子！嗯，剩係睇到重點 Made in Japan，OK買hahaha 因為得意化完妝要落妝，落妝之餘又保濕，有30張咁多！好似係100円店買，又平又得意！ MSH Love Liner眼線液筆，除咗防水仲好畫快乾，最緊要係日本@cosme評選第一名嘅眼線液，Kitty樣嘅買咗好多支，真係好畫又唔會化開，實用又得意！BOU BOU TINT GLOSS染唇，好方便，有Gloss感嘅唇，好有豐盈嘅效果！又係得意嘅！ 大木製藥出嘅液體絆創膏，真係我呢排嘅救星，唔知做咩呢排成日𠝹到手指，搽咗之後有層透明嘅保護膜，傷口唔會感染又防水，最緊要係關節位都處理到，好過貼膠布多多聲，傷口仲好快好！望到Kitty咁得意都快啲好！MUHI S止痕嘅走珠筆，對我呢啲成日俾蚊蟲咬嘅甜美血液擁有者，真係要買，包裝雖然好得意，但佢係好有實力嘅！ HISAMITSU除咗出撒隆巴斯之外仲有好多產品，眼藥水都有㗎，仲同得意又可愛嘅Kitty聯乘！買過幾次，和服特別可愛！ LION 休足時間，無藥用成份，天然草本成份，腳攰用都唔怕皮膚出狀況，Kitty又化身美妝KOL得意示範可以貼腳底hahaSkater 3D口罩，三層構造，99%過濾率，係我有一個朋友係日本買俾我，得意到唔捨得用！ Kitty都要浸浴，咩牌子又係睇唔出，包裝背後介紹激汗・情熱的風呂hahaha，浴鹽浸浴真係正！後面個Kitty太得意，忍唔住要Cut出嚟放係張相度！！去日本真係好開心，原定今年年頭要去買福袋，真係有啲遺憾！但唔緊要，希望疫情過去喇，我都要飛過去！諗返以上嘅嘢好似係激安、@cosme、100円店都有買，但大部份都係藥妝店買。其實100円店同Kitty聯乘先最好買，又平又多，不過大多都用咗，好難一齊影出嚟，下次真係要買果時就影定先，唔係有時真係會唔記得！出呢篇文係驚我自己唔記得，都想bookmark返，記錄返自己買過嘅嘢，再去再買！☆Facebook☆ ★instagram★ Natalie ★instagram★ ☆Facebook☆ Blog ☆Beauty Exchange☆★She.com★☆U Blog☆★Blogspot★for any enquiries pls contactchunatalie4@gmail.com
