海港城Facesss出面果度有檔野，成個法國市集咁款，有好多花花，影相好靚s(因為真係太靚，衆數要加s)，原來係L’OCCITANE生日要攪生日趴地。 由細到大都好鐘意聽故事，L’OCCITANE品牌故事實在太熱血，忍唔住都要坐定定聽下。o係好耐好耐以前，到底幾耐，40年前啦，來自法國嘅朋友L’OCCITANE出左世喇。40黎講都算中女，但一個品牌黎講40年絕不容易。創辦人選擇用自己家鄉野生天然原材料，同當地農民及婦女合作，仲身體力行支持傳統種值方法，生於法國有種責任。成名後對慈善不遺餘力，義賣、創立基金會、為奧比斯籌款，回饋社會。太滾動，名利都不及行善黎得快樂，有善心嘅人真係由心靚出黎。 用佢D護膚品之餘又可以做善事，實在係樣靚心更靚，我仲唔係有內涵又有美貌，嗯嗯。 40週年咁大件事，梗係開個生日會慶祝下啦。佢生日仲要有優惠套裝益街坊，咩道理先。濕平完仲可以自己親手製作花花甜筒、香包，好藝術氣息。生日週2016年8月15至21日係海港城Facesss出面果度攪，記得黎參加，著靚D呀，合照點可以無你份。 我都係踩單車送埋D薰衣草先 Bye Bye 訂閱Natalie YouTube https://www.youtube.com/channel/UCcCDP5Ev6aXt2_P4FWgLzRQ instagram https://www.instagram.com/nataliechu/ Blog http://www.beautyexchange.com.hk/blog/NatalieLuvBeauty http://blog.she.com/natalieluvbeauty/ https://blog.ulifestyle.com.hk/blogger/natalieluvbeauty/ Facebook https://www.facebook.com/Natalieluvbeauty for any enquiries pls contact: chunatalie4@gmail.com
