做女人有幾煩，我每個月都好大感受，因為我係經痛的女人少女。 同時我都有經前綜合症，真係煩成咁。經前綜合症常見症狀肚痛、胸脹痛、易攰、爆瘡及爆粗，生理同心理上都有變化，由內到外，再到返外。會係經期前一個禮拜出現以上症狀。細個果時有個男朋友仔，次次我講分手都係經期前一星期，後尾佢仲問我，你係咪黎M。係，黎M就是任性。其實我係任性，無理得佢咁多，又飲凍野、又食生冷野、又飲酒、又食辣野，我真係對唔住我自己，不顧身世。我錯喇，我唔係見咁熱我唔會咁放肆。平時都少飲凍野，但近排真係太熱。 扮工無休息，咁我一定會食止痛藥，唔係無人做埋我果份。呢隻日本EVEQUICK實在太快，食左一陣即止痛，成個人生猛晒。之前有人偏頭痛我都介紹呢隻俾佢，真係好得。日本藥妝我應該介紹埋佢。 我仲會放個細細個暖水袋係公司，有咩事即刻入D熱水就用得。old school野其實好有用，唔好嫌老士，Ok。 仲有一支黎自泰國嘅朋友，都唔知佢叫咩名但佢有個英文名Peppermint Field，一邊係薄荷聞鼻鼻，另一邊係薄荷安樹藥油。聞一聞醒腦提神索一索舒筋活絡。藥油一定要放入肚臍窿度，滴幾下係肚臍窿，好快就醒神晒啦。 本人非常極之贊成女仔可以有法定黎M休息日，因為我地呢D女人少女，真係好慘，都係慘一日半日啫，都有時俾公司D人話扮野。我都未話你扮工，你話我扮野，妖。痛我想架，大家要河蟹，點可以咁睇經痛的女人少女。 日本、韓國、台灣、印尼現已有法例准許女性在月經期間放假休息。我要移民。。。。 訂閱Natalie YouTube https://www.youtube.com/channel/UCcCDP5Ev6aXt2_P4FWgLzRQ instagram https://www.instagram.com/nataliechu/ Blog http://www.beautyexchange.com.hk/blog/NatalieLuvBeauty http://blog.she.com/natalieluvbeauty/ https://blog.ulifestyle.com.hk/blogger/natalieluvbeauty/ Facebook https://www.facebook.com/Natalieluvbeauty for any enquiries pls contact: chunatalie4@gmail.com
