去飲咖啡一定要同好朋友一齊去啦，因為有無限話題，咁先可以Hea返一段時間， 傾返夠本 最緊要揀一間枱同枱之間唔好太近，因為講是非都唔想其他人聽埋一份 呢間位於尖沙咀Allegretto，係非常喜愛去，因為我有少女心 3D咖啡太打耳，可以大量影相，大量gossip嘅地方。除左3D之外，拉花都好靚，蛋糕都好好味，有一款earl grey天使蛋糕茶味濃忌廉滑，配咖啡一流。而家仲有熱食，all day breakfast、pasta、lasagna等等。 Allegretto 網址: http://s.openrice.com/QrbS089q100 地址: 尖沙咀 廣東道33號中港城第三座平台1A號舖 電話: 2736 0868 風月堂唔使講咁多大家都知，之前係旺角，風頭一時無兩。旺角都係食過一次晚餐，已經無再去。因為太多人排隊，唔想等。 佐敦呢間唔講野食，唔講嘅原因係我只食左甜品，但佢杯UCC炭燒咖啡真係太緊要，因為係久違嘅味道。連係UCC Coffee Shop都無咁好飲，太犯規。杯咖啡有炭香，無過火，因為炭燒咖啡煮太耐好易有燶味，完全係日本味道，係日本飲咖啡就係呢個味。 風月堂 網址: http://s.openrice.com/QrbS01Cy100 地址: 佐敦 佐敦道14&16號嘉信樓地下A1舖 電話: 2656 3316 店主係世界虹吸咖啡大賽冠軍，一間精品咖啡店。咖啡豆都係自家炒，有咖啡豆及專業器材賣，定期有品嚐會，吸引志同道合嘅人黎到傾計飲啡。一入到去都好有家庭feel店員都會同客人談笑風生。食物種類唔多，因為咖啡先係最重要。我呢D飲Latte要加糖嘅太唔入流喇，評論世界级冠軍太唔要面喇，但佢個拉花肯肯定係靚。嗯嗯。 Accro Coffee 網址: http://s.openrice.com/QrbS0FSW200 地址: 元朗 媽橫路21-27號福昌樓地下8號舖 電話: 9430 1433 訂閱Natalie YouTube https://www.youtube.com/channel/UCcCDP5Ev6aXt2_P4FWgLzRQ instagram https://www.instagram.com/nataliechu/ Blog http://www.beautyexchange.com.hk/blog/NatalieLuvBeauty http://blog.she.com/natalieluvbeauty/ https://blog.ulifestyle.com.hk/blogger/natalieluvbeauty/ Facebook https://www.facebook.com/Natalieluvbeauty for any enquiries pls contact: chunatalie4@gmail.com
