早前又搵媽咪撐枱腳，今次決定食好啲，預祝媽咪生日快到，決定去 REIGN THE ABALONE HOUSE 品嚐由瑞士米芝蓮星廚監製的鮑魚美食。 我揀了 REIGN Deluxe Menu 🥗頭盤: 香煎法國鵝肝伴沙律 鵝肝口感細緻綿密，入口即化，伴開胃黑醋沙律，好醒胃。 🥘主菜: 鮑魚龍蝦伴龍蝦湯飯 職員即場加入用澳洲龍蝦熬煮而成的湯頭，原汁原味又濃郁，龍蝦肉彈牙有口感，配上鮮味鮑魚粒，露筍等，倍添鮮味。 蠔皇南非鮑魚伴飯 原隻南非鮑魚用上5小時煨煮，口感滑嫩有嚼勁，鮑魚汁鮮美，伴上露筍、粟米仔，口感豐富。 鮑魚松露扁意粉 鮑魚大粒又鮮味，鮮味彈牙，黑松露令鮮味提升，醬汁creamy，掛滿扁意粉，口感濃郁。 南非慢煮鮑魚配天使麵 鮮味鮑魚粒，鮮花瓣襯托，天使麵味淡，伴上辣椒汁，清新又靚。 甜品: 燕窩焦糖意式奶凍賣相精緻，多款新款水果，配上奶凍食，更添甜味，奶凍奶香味濃，滑溜順喉，加上燕窩，更添矜貴。 飲品： 有氣血橙雪燕特飲新鮮橙味非常濃郁，香甜中帶點酸味，清新解渴。 有氣檸檬雪燕特飲檸檬汁豐富，酸味濃，有氣更清爽，解膩之選。 流沙奶黃迷你月餅 奶黃香濃，流沙味鹹香，包裝有心思。 坐位舒適，職員友善，每款食物擺盤味道都出色，睇得出用心製作，媽咪好滿意！ REIGN THE ABLONE HOUSE地址：尖沙咀梳士巴利道18號K11 MUSEA, B2 樓層Unit 18 B201鋪
