呢次釜慶行重點係去睇櫻花，所以到出發當日都仍然係好緊張好緊張， 因為驚自己唔好彩遇唔到滿開，咁就真係一大遺憾啦！ 出發前日日都上討論區追個櫻花帖，仲有上韓國氣象局睇果個圖表， 睇下鎮海同慶州嘅櫻花開咗未，搞到我每日返工都好緊張， 睇住網站嘅圖表由白色(開花前)變做藍色(開花時)、再變做紅色(滿開時)， 當出發日子越黎越近，睇住鎮海開始變藍色，我嘅心情都越黎越興奮， 終於出發前兩日見到鎮海變咗做紅色，真係勁興奮呀！ 不過我真係好好彩，選擇咗4月頭去鎮海賞櫻，因為今年韓國氣溫好反常， 往年首爾大概要4月中先開始開花嘅，今年竟然3月底汝矣島已經開花， 仲好記得KMA個表顯示汝矣島開花當日，討論區好多人都質疑KMA係咪報錯料， 位置較北嘅首爾有乜可能咁早開？但當身在首爾嘅人開始 "有圖有真相"嘅時候， 即刻粉碎咗好多人嘅希望，因為好多一心諗去首爾賞櫻嘅都係訂4月中至尾， 完全打亂晒啲計劃，而無計劃嘅反而有Bouns，所以追櫻真係只能講彩數。 韓國氣象局 KMA http://web.kma.go.kr/weather/observation/flower_photo.jsp
