DAY1 21/5/2019 終於的起心肝, 寫第一篇blog... 講左好幾年, 就由剛剛既台灣之旅開始~~ 其實我無諗住去台灣, 但fanfare有個筍價, 日子又好, 時間又靚, 於是, 團友們出發啦喂! 去左台北幾次, 要去既都去過, 所以今次就先去台中, 再返台北! 10:35既機, 梗係食個早餐先啦, 近年機場食野之選-係”Hero 太好味道”既太興 去到台北梗係ATM兌錢先, 好好彩我地去果幾日台幣低水, 一對四咁滯, 正! 本來plan左搭巴士去台中, 但有條友話搭高鐵快好多, 所以就展開了”沒有最膠 只有更膠”既行程 原本搭巴士, 由台北機場可以直達台中火車站(我們既旅店所在地), 但而家… 台北機場à桃園高鐵站 桃園高鐵站à台中高鐵站 台中高鐵站à台中火車站 加埋既時間其實同搭巴士差不多, 都係3個幾鐘, 不過就可以行下企下, 但價錢貴成倍, 所以奉勸大家, 唔想煩又搭到巴士既, 都係搭巴士吧當然最好係open jaw啦) 千辛萬苦黎到住既地方, 真心不錯, 台中火車站行幾分鐘就到, 仲包早餐, 雖然唔係太好食, 但先300蚊港紙一晚, 超值 講講台中車站同我上次黎已經唔同左好多, 新既車站又大又靚, 出面空地仲有藝術品俾人影相, 真係唔錯 放低行李已經6點, 出發去逢甲夜市, 台中車站附近都有好多巴士去, 台中搭巴士又係好抵, 只要你有悠遊卡, 10公里內都係free, 係free, 係free呀~~~~(重要的事要說三次) 一黎食左出曬名既明倫蛋餅先, 而家比起以前好似少人左, 但一樣咁好食呀, 個醬汁係靈魂, 正到不得了! 點擊圖片放大 再黎就食左個蒜香招牌金莎蛤仔, 仲加左個好似”媽咪面”既王子面, d蛤仔真係好新鮮, 一粒沙都無, 配埋濃濃蒜香, 但食完又唔會口臭! 之後就食左個烤菇, 台灣似乎每個夜市, 每行幾步就有一檔烤菇, 正常, 普通的味道~ 食埋個黃金右腿就走人, 罪惡感極重既黃金右腿不得不食, 特別係個雞皮, 加上d醬, 惹味到一個點… 臨走見到幸福堂, 原來台中幸福堂係無咩人買, 因為完全係個大伏, 無奶味又唔香, 唯一係平, 55台幣就有一杯, 最最最最後, 見章魚小丸子咁平就買盒試下, 成口粉… 待續... 謝謝觀看以上文章，期待下次繼續與大家分享 ❤ 歡迎邀約合作試用 出席活動 ❤ Email : fungnata@gmail.com Facebook : https://www.facebook.com/nata.fung.16 Instagram : https://www.instagram.com/fungnata/
