點解要學呢啲嘢？？ 呢個問題似乎好多同學都唔太清楚答案。 1) 慳時間 考DSE 通識之前疏於練習、較少準備嘅同學，可能到咗考試場地、打開份試卷、見到條題目之後先慢慢諗 — 呢種題型應該用咩答題框架？ 與此同時，一位早有準備嘅考生唔需要再花時間去諗 — 每一題應該用咩通識答題框架，而係可以直接諗point、爭取考試寶貴嘅時間去落筆、寫論點做闡述。 2) 加強文章組織 除咗慳時間之外，試前準備好個framework會令你考試寫文更加有方向、更有邏輯、更有組織。 考評局嘅評分準則寫明，一個高分嘅通識答案要符合以下嘅要求： 答案結構嚴謹，表達清楚且深入。 雖然 DSE LS PP marking scheme 唔會黑紙白字寫住「組織做得好會加 3 分」、「組織做得唔好會扣 3 分」等等嘅字眼，但係考試論文寫得有組織、有條理，除咗符合番考評局嘅要求之外，亦都會令marker睇得舒服、加多少少印象分。 所以，無論同學而家嘅通識 predicted grade 係 level 2、 level 3、level 4 抑或 level 5, 而你想通識科升 grade 的話，小編認為，只要你未識曬每種題型嘅答題框架，你要升 grade 嘅第一步，一定一定係先學好。 一般嚟講，大部分嘅通識題型都可以套用以下嘅答題框架： 引言 論點一 論點二 其他論點（如有）/ 駁論 (如適用) 總結 以上嘅答題框架列出咗一篇通識論文，最主要嘅骨架。 不過，每一種題型框架的確類似，不過亦有重要嘅不同之處。至於每種題型詳細答題框架，同學可以參考通識溫習筆記。
