終於有時間寫下台中旅遊既嘢啦,一直都好忙!而家補返數啦! Hong Kong Express 首先要講講今次搭既飛機-Hong Kong Express , 其實我都係第一次坐Hong Kong Express , 之前聽唔同人講既評價毀譽參半,始終係廉航,我就冇話特別期望,總之要平啦! 而今次張機票都只係$929 (一人包所有稅,行李,旅遊保險), 個人覺得都抵呀,去一轉澳門都可能唔止啦! 不過今次張機票係買去程送回程優惠時買既,所以特別抵,不過唔晒搶架,好順暢就買左,但就半年前已經買定啦!所以話要平係要付出架! 甘多次旅遊經驗來講,我都係超好運架(之後都要><),每次搭飛機,旅行都好順利,今次都冇delay, 亦都冇咩特別事故。不過個半鐘頭既機程就有D悶,因為冇任何既娛樂,下次真係要download 定D片上機睇。 至於座位方面,個人覺得冇咩問題,不過不失,冇話特別好窄,同其他機既經濟位差不多。 去短途又想慳錢,HK Express 絕對係一個選擇。 酒店篇 今次去足5日,差唔多日日都轉酒店,因為日日去唔同地方。 逢甲夜市- Kun Hotel 呢間超近逢甲夜市,行5分鐘已經可以去到逢甲商圈,而且係新酒店,設施仲好新,感覺好年輕,時尚,環境衛生不錯,職員方面也很好,只係早餐簡單左D 價錢: 一晚大約$448 雙人房 推薦度:4粒星(5粒為最高) 日月潭-蜜月樓渡假飯店 事實證明,真係唔好貪平! 當日入去check in 既時候, 見到大堂昏暗,又冇人, 已經覺得唔對路,夜晚仲衰,開冷氣部冷氣機超嘈,唸住10月天唔開冷氣開窗都OK la , 點知嘈到不得了,因為飯店係大街,成晚都有車經過,樓下間7仔個自動門又係甘叮噹叮噹,仲要訓訓下好似有嘢咬甘,痕到不得了,結果成晚冇訓,雖然個老板幾nice, 但呢間堅要blacklist. 另外,早餐係俾張餐券你去附近既Mos Burger 買嘢食既,都幾特別。 價錢: 一晚大約$433 雙人房 推薦度:0粒星(5粒為最高) 清境-清境峰情-藍天花園民宿 係台灣都係要住下民宿既,藍天花園係清境峰情既新館,位置離青青草原較遠,簡簡單單,但環境清靜,好舒服,衛生情況很好,整體唔錯,電視收得幾清,哈哈。 清境而家D民宿都好貴呀,真係要仔細搵先搵到D稍為平少少。 價錢: 一晚大約$560 雙人房 推薦度:3.5粒星(5粒為最高) 台中市-達欣飯店 達欣一共住左兩晚,因為分開左兩次book , 第二次book 既時候仲有豪華房優惠,所以第二晚有豪華房住,但其實只係多左個窗姐,出邊亦都冇風景睇。呢度交通非常方便,好近台中火車站,去一中夜市亦都只係10分鐘步行,宮原眼科都係附近。衛生情況很好,夜晚亦都唔會好嘈,整體上還不錯。 價錢: 一晚大約$453普通雙人房,$486 豪華雙人房 推薦度:3.5粒星(5粒為最高) 交通篇 今次交通好簡單,基本上係坐共乘車同包車 包車我係係網上搵左呢間公司-玩到瘋包車旅遊網 第一天機場接機同最後一天的包車一天遊都是用它既,有位叫蘇先生既司機很好,除左揸車之外,仲會介紹景點,美食俾我地,他係呢行已經做左好耐,經驗非常豐富。一朝早嚟接我地既時候仲提供埋支裝水同買左柑俾我地食,好貼心呢! 聽蘇先生講,呢間公司全台灣包車都做架! 價錢: 一日TWD 3800 (約950港元),包晒一架車,如果多人既話, 大家share 返既錢相對都會少D,蘇先生就建議最好4個人,甘就perfect 啦! 價錢每個地方都唔同,所以要格價,今次呢個價我覺得合理,但問過其他景點就比較貴,所以價比三家係要既。 另外共乘車就係朋友介紹既-台灣小客車租賃有限公司 司機都很好,不過共乘車本身既問題就係要等埋其他乘客,始終大家一齊share 架車既錢,所以有時未必自己可以控制晒D時間,唔想等就唔好揀共乘車啦! 不過今次都唔晒點樣花好多時間等,可能唔係旺季啦,所以唔係好多人,反而同車既有好多都係台灣人。 價錢:每人TWD400 以上, 試乎出發同到達既地方 共乘車同包車都會係你酒店樓下接你,超級方便的說。 兌錢篇 今次兌錢分別係 上環既牛記 : 兌4.065 台中機場:兌4.045, 另要手續費TWD30 台中合作金庫銀行: 兌4.07830, 另要手續費TWD100 就甘睇好似牛記抵D甘。 Facebook : https://www.facebook.com/nanalovestraveling Blog : http://nanalovestraveling.blogspot.com Instagram : https://instagram.com/nanalovestraveling/
