第一日(29/10)係夜機到台中機場,大概8點到,即時係機場買左張電話卡(TWD300 五日4G無限上網),之後就坐一早已經訂左既專車直接去逢甲夜市既酒店啦!個司機很好人, 唔係車我地到酒店放低我地就算,而係帶我地係夜市大街逛左一圈,介紹D他認為好食既嘢俾我地,之後先送我地返酒店,今次由台中機場至逢甲夜市Kun Hotel 既車費係TWD 700 m 架車。係酒店放低行李後,即時沖去夜市食嘢啦,因為個時已經9點10點,所以要爭取時間。 食串燒 每次來台灣都一定要飲木瓜奶,哈 呢間D雞湯超好飲! 叫龍涎居,見到好多本地人都會去。 此外想介紹下以下兩間連鎖店 Poya 寶雅 呢間就好似屈臣氏甘,賣化妝品等等個人護理,但價錢平D,而且有好多優惠,種類亦非常多,所以大家下次去都可以考慮下,全台灣都有分店。 光南大批發 形式同寶雅,但更加似雜貨店,零食呀,電子用品都有,價錢一樣比較抵,亦都係全台灣都有分店。 第一日行程總結: 夜機到台中機場-> 逢甲夜市 Facebook : https://www.facebook.com/nanalovestraveling Blog : http://nanalovestraveling.blogspot.com Instagram : https://instagram.com/nanalovestraveling/
