而家似乎愈來愈興自己一個去旅行，女仔都愈來愈多，不過好多人都覺得一個女仔去旅行好危險既喔,而事實上一個女仔自己去旅行都可以好安全,好有樂趣的，只要留意多些就可以了，甘就玩得安心又開心啦！ 雖然我一個人旅遊的經驗不多，只係試過一次甘大把（人生總要試一次吧！）不過就一次過去晒英國,荷蘭,比利時同西班牙,所以都有小小嘢可以分享下。 1. 如果一個人，通常我都會早D 返去旅舍既，因為怕天黑後很難搵路，而且個心都係驚驚地,有一次係西班牙,因為欣賞著名的西班牙舞蹈-Flamenco,所以比較夜返,當時還是住airbnb 的民宿,夜晚的住宅區很靜,唸起都怕怕,好彩都平安到家。 2. 如入住青年旅舍，盡可能不要選男女混合的。老實講，真係會訓得好唔安樂，有一次係阿姆斯特丹就住過,其實個次係一早訂左女生宿舍的,點知去到先話冇位,局住要住男女混合宿舍,對面床還是一個男人,不過他既作息非常奇怪,每每都係日頭訓覺,夜晚先會出去,令人甚為不解,幸好只是逗留了兩日而已。 3. 不要走小徑，行人多的大路。跟大隊應該冇錯既,大路多人行,去到邊都甘,係安全D既。 4. 衣著簡樸，避免一睇就知係遊客。衣著太光鮮容易引起小偷既注意,加上如果左手相機,右手地圖,一睇就知係遊客啦,成為目標就唔好啦! 所以我會帶個細袋,然後著件外套遮住,相機影完就即時放落袋,睇地圖都可能係一D鋪頭入面睇完先出來。 5. 避免揀夜晚/凌晨到達的班次。通常去到一個新既地方，都要時間搵搵的，夜晚搵地方又麻煩，而且交通有時又冇甘多選擇。有一次係英國飛阿姆斯特丹,去到又唔係話好夜既,大概7,8點啦,不過安全至上,我一早已經訂左車送我去旅舍,仲要係豪華車,真係嚇左嚇,哈哈。花多左錢,但買個安心既。 6. 做好詳細行程安排。每次去旅行,我都會做好資料收集,因為可以大概知道呢個地方係點樣,有個印象同預算,唔係去到要花更多既時間搵,到時仲心慌慌。 你可能覺得去個旅行者,晒唔晒甘呀,不過,旅行都係想開心既,麻煩少少,但有個美好回憶呢! Facebook : https://www.facebook.com/nanalovestraveling Blog : http://nanalovestraveling.blogspot.com Instagram : https://instagram.com/nanalovestraveling/
