去越南既機票真係好平,而且又唔晒同人搶,只不過買完機票就遇到另一個問題-搞簽證,冇錯!越南係要整簽證架,仲要價錢唔平又浮動,所以上網睇左好多資料,知道原來仲可以搞落地簽。 今次講下兩個方法可以點做。 方法一:親身到越南駐港總領事館辦理簽證 地點:灣仔灣仔道230號佳誠大廈15樓 (灣仔港鐵站A3出口向左轉) 電話：(852) 2591 4517, 2591 4510 緊急熱線：(852) 2835 9308 傳真：(852) 2591 4524 電郵：vnconsul.hongkong@mofa.gov.vn 申請入境簽證時間： 星期一至星期五 上午9時至下午12時30分 下午2時至下午5時 星期六、日及公眾假期休息 簽證類別:一个月單次,一个月多次,三个月多次入境 工作天:即日至4個工作天 價錢：由港幣640-1350 都有，係好唔穩定架,而且只收現金 所需物件：填妥出入境簽證申請表,護照（會留在領事館）、照片兩張（帶多幾張無妨）、筆及進入越南日期 注意事項:可親自遞交或委托他人遞交 必須親自遞交，不得以電子方式呈遞 方法二:做落地簽證 做落地簽反而簡單快捷同便宜,個人就係用左呢個方法,真係慳返好多。 網上有好多越南既代理網頁,基本上係Google search 打Vietnam visa 就有好多呢D代理既網址出現架啦! 我就用以下呢間: http://www.cheapvietnamvisa.net/ 步驟1:入左個網頁,揀返要邊種類型visa,人數同正常工作天定快證(如圖示) 步驟2:填完呢個就會到付款的版面,如果以一個人一個月內單次入境就是8美金,如果多人一齊申請仲可以平D添架,呢8美金就係俾代理既。 步驟3:完成付款就可以了,之後就等收電郵,會有一封 “Visa approval letter”俾你,記得收件箱同垃圾箱都要睇睇有冇,因為有機會跌左去垃圾箱,而因為揀左最平個款,所以係approval letter 會有你同其他遊客既英文名同護照號碼,當然你可以揀只單獨出一封信俾你,不過就加錢啦! 步驟4:列印 “Visa approval letter”, “exit and entry form”(會附件係approval letter及填好,當入境既時候,連埋護照,證件相2張,25美金交俾職員就可以啦! 今次簽證只係用左約258港幣,比起去領事館平左一半呢!慳返D錢可以去越南食多幾碗河粉呢!而做落地證個時可能比較多人,都等左一個鐘頭多D,但相比要去兩次灣仔,仲要撞正返工時間,其實都幾難就,所以個人都係覺得落地簽係方便好。 Facebook : https://www.facebook.com/nanalovestraveling Blog : http://nanalovestraveling.blogspot.com Instagram : https://instagram.com/nanalovestraveling/
