越南消費低就係人都知,之不過都要好好計劃做下功課先可以做到最抵玩! 今次兩個人去越南峴港,成個行程每人用左港幣2800, 其實有D位都仲可以慳返錢,而家嚟個事後檢討,教你點樣係越南做土豪之餘又唔晒花好多錢啦! 首先,一定要買到平機票,今次坐HKExpress $746 來回連稅,但冇行李,建議唔晒買行李啦,就算你會買嘢, 一個背包同一個手提包已經夠啦,如果機票慳左,基本上其他支出都可以控制了。當然如果可以買到更平既機票就更好啦! 其次就係酒店啦,雖然話就話越南消費低,不過有D酒店都要過千既,當然呢D酒店多數都係對住個無敵海景,甚至有私人海灘,如果唔需要呢D要求,200蚊港紙一晚既都有,而且質素絕唔差! 另一方面,就係越南簽證(可參考另一個post[辦理越南簽證 (2016)] http://bit.ly/28Y6ueQ ) ,做落地簽起碼慳返$300 , $300 可以係越南食30碗河粉啦! 最後一點,亦都係最重要個點,就係越南既交通! 基本上峴港係冇公共交通工具架,除左的士,好彩既就係多數都用跳錶,但有時語言不通,收多左又唔知點解,會有好多誤會。所以如果去一D景點,可以參加當地既one day local tour, 通常都有酒店接送,另外假如由A城市去B城市,都可以訂大巴,價錢相對便宜。 介紹 The Sinh Tourist (https://www.thesinhtourist.vn/) ,越南主要大城市都有分行,可以係香港買定local tour 同預訂大巴。 總結* : 機票 $746 保險 $72 電話卡$20 簽證$258 住宿(三晚)$546 當地交通,景點入場費,食,購物等等$1158 總支出$2800 *所有支出都係兩個人share, 而呢個係一個人既支出喔 *全部以港幣計算 Facebook : https://www.facebook.com/nanalovestraveling Blog : http://nanalovestraveling.blogspot.com Instagram : https://instagram.com/nanalovestraveling/
