7APR2017_FRI 今日想唔起身都唔得，訓我樓上個鬼妹成日郁，左郁右郁，我都係快快走頭~ 之後我就去市內最出名的ROYAL PAVILION洋蔥頭睇下，因為19世紀英國國王起呢個中印宮殿黎專醫痛風+避暑+做淫窟，佢死後，維多利亞女皇就將佢賣左比市議會，world war I 時仲用黎做傷兵+兒童醫院，個宮殿外部係印度伊斯蘭教風格，但入面就係中國風，有MUSIC ROOM，DINING ROOM，遊戲房，花園等等~好奢華~大大的彩色吊燈~我無入場但上左官網睇~因為入面唔影得相~~ 佢隔離有個BRIGHTON MUSEUM+GALLERY，以前唔使錢而家要~仲有一個DOME，呢幾舊野都貫徹返中東FEEL~~~ 之後我去左火車站買ONE DAY BUS PASS，4.8鎊，我用左3日(真衰)，行下行下見到好多GRAFFITI，手作小店等等，都好多中國餐館，聽講呢區好多中國學生同暑假遊學團，買左一份KEBAB就去左石灘坐，慢慢食慢慢感受，食完又訓著左，石灘好處真係多羅羅，乾淨清爽唔會拖泥帶水，訓左好耐就向右邊一直行，去到另一間HOSTEL CHECK IN，我係住2人房，結果好彩得自己一個，即係霸晒~~~可以訓返教好~~~~ 抖左陣我就出發去最右邊搵下一大排彩色屋仔~~~之前去MELBOURNE都無去BRIGHTON BEACH，佢又係有一大排彩色屋，不過人地係沙灘，呢個係石灘，而且人地D屋仔係起係沙灘上，英國呢個就起係平地上~~~聽講D屋仔一D都唔平，我見多數係老人家買，入面放左幾張摺椅+沙灘用品，用黎比佢地晒太陽時用,,,,,都好奢侈~~~ 行到累或者太陽夠暖時我就會攤係度訓下，當然係包實晒唔比皮膚外露，唔係會變非洲雞，個太陽由左邊一路走去右邊，中午時左邊會好熱，但右邊就好大風，冰火兩重奏咁........ 因為市中心都係典型野，我又對建築物無乜興趣，所以繼續痴住海邊，由最右行去最左邊的BRIGHTON MARINA，咁岩撞正馬拉松展示會，星期日就正日，好多人拎選手包，我一直行，終於到達MARINA，去到都係搵唔到個帆船碼頭，但見到間ASDA大型超市，入去買左橙，結果一食完就開始流鼻血........可能之前日夜顛倒得太勁，加上尋晚比個鬼妹嘈到訓下醒下.,,,, 最後行下又抖下X n次後，我又係同一個地方睇左個好浪漫ge日落，好感慨~~~ 因為hostel有焗爐，我買左個pizza就返去焗，食完就上網，尋日yha個wifi慢 但廁所正常，今日個wifi快 但沖涼時凍時熱，但今晚就25鎊一晚，不過比我揀，我會想自己一個霸晒間房。 ps: 其實d彩色屋仔都好簡單~~~無乜特別~ pps: 而家好容易流鼻血同埋皮膚乾燥，d指甲皮膚特別乾..... ppps: 如果個摩天輪係度應該會更靚~~~~
